باقي العمر

[سلطان الحضبي]

تحية والتقدير للجميع،،



آه من ليل غدراً بان لي فيـه ضيحـه
هـذا اذى ذا بـلا ذاذا وذا ذا ذحاحـه

سم عذراً تبى الستر وتحب الفضيحـه
من بلاها يجي في صوت ابوها بحاحـه

قلت زل الشقى باقي العمـر بستريحـه
وأثر سود الليالـي ماتخلـي القباحـه

بين رجم المسيل وبين حزمه وسيحـه
غاب نور القمر والمرو يظلـم شقاحـه

ولادرى الذيب لين عواه خالط فحيحـه
وشاهد الشاوي اللي فوق متنه سلاحـه

وعلت الذيب من حبه شوايـا الذبيحـه
وزود شوقه لشفـه زاد حبـه شفاحـه

تسعر النار في جسمي شريحه شريحه
والهواجيس وسط القلب تسبح سباحـه

تشبه الجاهل اللي ما يطيـع النصيحـه
ولايحس بخطاه ولايعّـرف الصراحـه

رفقته عقدة النفس السليـم الصحيحـه
ضغط دم وقلق وأزعاج من غير راحـه

خوته شق كبدٍ مـن سواتـه جريحـه
بالعذر والتمـادي والغبـى والوقاحـه

الطواري بقايا الصبـر قامـت تميحـه
من ضميري وضاقت بي وسيع المساحه






(سلطان الحضبي السبيعي)