بنت الرجال

[همس المشاعر]

بنت الرجال اللي جذوره اصيله = ما تنخدع في شوف ناس مصاطيل

وهمس المشاعر ما تحوش الرذيله = طموحها ولد الرجال الحلاحيل

وهذي انا با القول ما لي بديله = شموخ عالي كالجبل يوم لك قيل

اصبر على الضيقات لوهي طويله= ورجاي بالرحمن يعدل لي الميل

ماحط نفسي بالدنس والفشيله = عزيت نفسي عن دروب المهازيل

وان كان قافي ماكفى في قليله = قله يكفي عن طويله يابا الخيل

واكتب حروف الشعر ماهي هزيله = نقش على صم الصخر باسود الليل

ماعاد ابرجي من وراك الوسيلة = روّح وخل اللي بقى يرفع الكيل

لانته برافعني ولا جبت ميله =ولانته مفوّح في وسط دلتي هيل

[ونـــة قلـــب]

السلام عليكم ورحمة الله وبركاته

هلا وغلا اختي الشاعره // همس المشاعر

قصيده جدا رائعه وجزله

صح لسانك وعلا شانك يالنشميه

والف شكر لك

ننتظر القادم

تقبلي تحيتي