يلعن قلوب

[همس المشاعر]

يلعن قلوب ( ن ) خاينات مكاذيب =تضحك وخافيها شبوب وحرايب

ناس تربت عمرها في زراريب = وتلبس بشوت وتختفي بالعصايب

طبع الخيانه والردى والمعاييب =يعتاش منها عن زمانه نشايب

مانته كفو للحب مافيك تثريب = مافيك شي يرفعك وانت عايب

تقصر يديك ولا تجي بالمحاسيب = نقص على الدنيا ولو كنت تايب

احذر ترى للطيب كفي مطاليب = ماني رديه وانت مانته حسايب

خلك تعيش الحر وسط اللواهيب = جعلك تعيش العمر هم وغلايب

وتاخذ جزاك وتنقل العار بالجيب = وتستد من دين الخيانه ثوايب

ناس تخفت بالزمن في دواليب = مابينت وش بالدواليب غايب

تحسب حساب الشيب ولا بعد ذيب = وانته جعوري تنتهي بالغصايب

[ونـــة قلـــب]

السلام عليكم ورحمة الله وبركاته

حياتس الله اختي الشاعره // همس المشاعر

قصيده جزله ورائعه من شاعره رائعه

صح لسانك وعلا شانك

ولاهنتي مليون

ننتظر القادم

تقبلي تحيتي