(((الشــــمــري)))

[همس المشاعر]

الشمري تضرب به امثال وامثال = امثال طيب ويفتهم بالاشاره

حرٍ لاكن الله مسويه رجال = مامدته يمناه يخفى يساره

واليا نخيته وقفته تشرح البال = يفز ماحسّب حساب الخساره

من الطناخه يوفي القول لاقال = يشوش راسه كل ماشب ناره

شمّر لهم في قمة المجد منزال = امطوعين اسودها والنماره

متسللين بفعلهم روس لـــ قذال = صغيرهم يرفع بنفسه وقاره

شيوخ نسل شيوخ واحفاد لــ بطال = ماعمر منهم واحدٍ خان جاره

الضيف يلقى عندهم طيبة الفال = ويلقى بهم عز وشموخ وجساره

ابيوتهم تبنى على كل ماطال = واللي يحوز الطيب هذا شعاره

[ونـــة قلـــب]

السلام عليكم ورحمة الله وبركاته

حياتس الله اختي الشاعره // همس المشاعر

قصيده جزله ورائعه من شاعره رائعه

صح لسانك وعلا شانك

ولاهنتي مليون

ننتظر القادم

تقبلي تحيتي