نهـايــة ح ـــــ ـب

[غرام القوافي]

فيني حنيـن ٍ فـاق كـل الموازيـن=من نار شوقـه فالخفـاء محتملّهـا
وفيني دموع ٍ غرقت محجر العيـن =كنـي يتيـم ٍ فالحـيـاه وجهلّـهـا
وفيني لهيب ٍ فالحشاء غايب أسنيـن=يحلـم وغايـة رغبتـه ماوصلّهـا
وفيني تلاشت كل فرحه مـن البيـن=مثل الشعـوب اللـي ثلاشـا أملّهـا
يالله ياجامـع قـلـوب الملايـيـن=في بيتـك الطاهـر وعالـم عملّهـا
تسقينـي النسيـان مـره وثنتـيـن=وتمحي لي الذكرى من اللي شغلّهـا
وتكف دمعي طالبك لو بعـد حيـن=ليامتـى والعيـن تـذرف هملّـهـا
أمشى ولا دري خطوتي رايحه وين=من سبة اللـي كـل أمالـي قتلّهـا
حتى الشهور أتروح وأحد وراء أثنين=أهملت أنا عمري ..واشبابي هملّهـا
لأهمني ملبـوس او منظـر وزيـن=مثل الارامل.. ماأختلف عن حللّهـا
أبسبة اللي حـط بالقلـب جرحيـن=جرح الخيانه وسـط روح ٍ خذلّهـا
اكبر قهر لاضاع عمـرك تحلميـن=حلمي يموت وغايتي جـاب أجلّهـا
هذي نهايـة مـن يحبـك بوجهيـن=نفسه عـن أرواح البشـر ماسألّهـا