.. قضية صورتين ..

[سعد المسعودي]

وش اللي ليش مســتغرب .. وش اللي ليش يامضنون = صراحه .. حيرتك والصمت بديت أفهم معانيهــــا
إذا عندك ســـــؤال عيون .. عندي له جواب عيـــون = إذا هي دنيتي .. همك تطلّـــــــع في خــــوافيهــــا
أنا صــاحي .. أنا مجنــون .. اثنين وكلهم يوفـــــون=تحت حكم العيون السـود .. بتضحكها..بتبكيهــــا
حبايبك الثنين اللي على شـــــــــانك بيختلفــــــــــــون= قضــــية صـــورتين .. بعين صاحبها وقاضيهــــا
شــف اللي يعجـــــــــبك منهــا .وأنا دايم عليها أكـون= ترى اللي ماعــجــبك بنـــــوب أنا مثلك مادانيهــــا
أنا كــــــــــــــــلي على كيفك مادام أنك علي تمــــــون =حـــــــياتي لو فقدتك أنت قلّي وش بقـــــــى فيهــــا
حبيبي هوّن الدعـــوى على حالك تراهــــا تهـــــــــــون= ولاتعمـــــــى عـيون اللــــــي على بالك تداويهــــا
تبي صــاحي أنا صـــاحي .. تبي مجــنون أنا مجنـــون =أصحي لك جنون الناس .. وأجنـن عقـل صاحيهـا

الحرالأشقر