..... زبون الونيــه .....بمناسبة زواج الشاعر: رشيد الكسر المرشدي

[سعد المسعودي]

..... نص ... تم نظمه ترحيبي بمناسبة دعوتي لأحياء الأمسية الشعرية مع الشاعران
ناصر السهلي .... وسعود الكرشمي ... بزواج الزميل الشاعر : راشد الكسر :18:
في يوم الأربعاء ليلة الخميس الموافق 6/7/ 1429هـ ....


:148:



بديت بإسم اللي له الناس خشاع = الواحد المعبود رب البريه
المالك المعطي وللشر مناع = علام مكنون الصدور الخفيه
يامرحبا وأعداد ماهب ذعذاع = بإسم له التقدير وأثني التحيه
رشيد شرفني وأنا جيت مطواع = يستاهل العنوه زبون الونيه
مبروك أهني والفرح دوم مرباع = فالعمر كله ماأختلف عن نويه
للعرف والمعروف سابق ولاضاع = يلقى جزاه من الرجال الوفيه
ماكر حرار ٍ فالمراقيب طلاع = على النقاء المشهود والنار حيه
راع الوفاء والطيب من ساس نباع = أهل الكرم وأهل الكفوف السخيه
قوم لها التاريخ يروى وينذاع = ويشهد لها تاريخ نجد العذيه
هامات فوق الرووس والرووس تنصاع = تنصاع لأهل المجد فعل وحميه
مراشده وإن جاء نهار ٍ للأطماع = كم شيخ قوم ٍ وردوه المنيه
يردون حوض ٍ للدرك دون مرجاع = بحدب ٍ توثقها الكفوف الجريه
حريبهم من حالي النوم فزاع = تضيق به فالكون كل النحيه
بحر الكرم والطيب بالمن والصاع = خطلان الأيدي والبحور النديه
من لابة ٍ عن فعلها يقصر الباع = العزوة اللي تحتمي كل هيه
عين السعد يفرح بهم كل ملتاع = وينعم تحت ظل البيوت العليه
سم الكبود وطبها يشفي الأوجاع = وسقم القلوب وكية ٍ فوق كيه
عتيبه الهيلا على كل الأسماع = خلّد لها التاريخ فالجاهليه
مثل الحياء متبوع ماهوب تبّاع = يروى ظماء أرض ٍ من دهرها سنيه
برهان قولي حق ماهو تصناع = ولاجيت في درب الخطاء والخطيه
ماينهظم حق القبايل بالأجماع = وأفعالهم تاريخ ماهي خفيه
وأختم كلامي عد من سبّح وطاع = وصلوا على محمد رسوله نبيه


الحرالأشقر

ليلة الخميس الموافق 6/ 7 / 1429 هـــ