النسيان

[سلطان الحضبي]

قصيده قديمه جداً

آمل منكم أن تتقبلونها بذوقكم الرفيع المتجدد؟


ينسيني الواقع وقلبـي عجـز ينسـى=حبيبٍ معه مرهف حساسي وهو قاسي

جفاني بعد حبه ومن حب مـا ينسـى=لكنه تغيـر سبـة أنسـان باللآسـي

أحبه محبـه طـول الايـام ماتنسـى=ولاجيت ابى انسى حبه اذكر وانا ناسي

أنا أقسم برب البيت لاموت قبل أنسـى=ليالٍ مضت لي معك يالدالـه الناسـي

تذكر كلامك لي وعهـدك ولاتنسـى=وفكر بحال اللـي سبايبـك منحاسـي

أراضيك دايم عد لما فـات لاتنسـى=واوامرك انفذها على عينـي وراسـي

تجاهل ورح لك يوم تذكر بعد تنسـى=اقوله وانـا واثـق بتقنـان واقياسـي

يذكرك قلبك غصب لو منيتك تنسـى=تطول السنين وراعي الحب حساسـي

ليالٍ جميله عشتهـا معـك ماتنسـى=وانا في رجاي بجيتك ما انقطع ياسي

متى نجتمع لو يوم وارتاح حتى أنسى=عذابي من افراقك وهمي وهوجاسـي

تبى الحق أحبك والأدله عجزت أنسـى=ويا للأسف كانك بعد كـل ذا ناسـي








(سلطان مقعد الحضبي السبيعي)