خاتم الحب

[سلطان الحضبي]

تحيه طيبه

أسعد الله أوقاتكم،




ياسلامٍ ياصل اللي خص لـه
يغفر الله ذنب عبدٍ تـاب لـه

أبن مقعد مايبـى ماحصلـه
وكل شيّـن مايبيـه يقابلـه

بالسقم ثوبه عذابـه فصلـه
واختلط حابل شقـاه بنابلـه

حظه اللي للتهالـك وصلـه
والوداع بدون رجعه هابلـه

خاتم الحب اصبعه مانصلـه
والقدر يؤقعه فـي محابلـه

بالفراق اللي قطع حبل الصله
والهوا غير الهوى وش جابله

ياسلامٍ ياصل اللي قـص لـه
الف قصه بالقصيد اعجاب له

شاعرٍ لاقال ماقيـل أص لـه
راح جمهوره ذهاب اياب لـه

الفصيح ليا تكلم غـص لـه
زين كانه قال قبـل القابلـه

القوافي نص لي ونـص لـه
ولو يشيب القاف لي ماشابله

يوسع الله قبره اللي رص له
ويغفر الله ذنب عبدٍ تاب لـه





(سلطان بن مقعد الحضبي السبيعي)