صوت وصدى (بين مبارك الشهراني وسعد المسعودي )

[سعد المسعودي]

في مسابقة أدبية بمجالس العرب .. وضعت قصيدة الشاعر : مبارك الشهراني
وطلب مجاراتها من قبل شعراء مجالس العرب .. وجاريتها من ضمن الشعراء ..
:151:

قصيدة الشاعر:مبارك الشهراني بعنوان ( وش أسوي )


:76:




وش اســـوي لياصــــديت وابطى نباك= كيف تضحك لــي الدنيا بـــلا جيتك

وش اســـوي وانا اللي ماذبحني سواك=وانت مدري وش اللي تخبي بنيتك

كل مالمــت قلبــــي قــال قلــبي يباك=وانت قلبك يصــــد ولارحم ميتك

لاتغلى علـــينا وانــت تعــــرف غلاك=تو في وســـط قلبي مابــرت كيتك

يوم تشمت على العشــــاق ربي بلاك=تضحك بدون عقـل وتعجبك فيتك

ارضك اللي تقبـــل مانزل من سماك=قــبل اتـــرابـها لاتــرخص ببيتك

مادريت ان وقتـــك لو تعلى وطاك=وان لي الليــالي مـــن وراء ليتك

ليش غيرت طبعك يـــوم ربي عطاك=شــــية الله تراها خـــير من شيتك

والله انــــي جـريح وموشــك للهلاك=ذقت ســــم الحيايا والسبب حيتك

كل يـــوم اتبشـــر يمـــكن الله هداك=الله لاعـــاد ســــاعات لنــا هيتك

مازرعــته هنا بـــكره تحصــده هناك=وبعد عمر طويل تحاســب بسيتك

الشاعر: مبارك الشهراني

:11:

وهذه مجاراتي لها بهذه المتواضعه متشرفاً بالإشتراك بهذه المسابقة : تحت عنوان ( القلوب الجريحه)

:148:

هات ياهاجسي من فيض رب ٍ عطاك = دام فكري معك وأطلقت حريتك
حالف ٍ لـاتعب الفريس وأبعد مداك = حصن سدك منيع وكشف سريتك
ياجمل شيل حملك دام حظك رماك = وماحصل لك قدرمقسوم في طيتك
القلوب الخليه يامبارك فداك = والقلوب الجريحه كلّها حيتك
كم وكم واحد ٍ يشكي ظماء من ظماك = ماأرتوى حب ظامي ريته ريتك
لاتلوم الزمان وحب قلبك خطاك = لين قلبك على درب الشقاء بيتك
قد حداني هوى قلبي قبل ماحتداك = والعزاء فالقلوب بحسن معنيتك
وأعنى منك روحك فالشقاء وأعناك = أنتقل ملك روحك غير ملكيتك
حاير الطب مايلقى دواي ودواك = الدواء حسن داك وصوت مرثيتك
خذ صدوق الكلام وسوء بقعاء خطاك =والجواهر ثمينه سوق قافيتك

الشاعر : سعد المسعودي