همي اللي

[محمد القسامي]

همي اللي في مغباتـه سجنـي = غمي اللـي ماتقاويـت أمنعـه
إمتحني بشي لو شالـوه عنـي = صار قلبي مدمنـه لـه يتبعـه
عادته عني مع الوقـت متعنـي = دايم وصـدوف وقتـه تلفعـه
كل مالديتلـه غصـب طعنـي = طعنته كل الرجـا بـه تقطعـه
إن لعنته له صدا صوت لعنـي = وإن رفعته طاح ماأحتلت أرفعه
ياغـرام فيـك ياكثـر التجنـي = في قضية خاطري مع مطمعـه
إن صبرته يوم هاجوسه شحني = وإن وصلته يوم عشت بمعمعه
أشهد إني مبتلا عشق إمتحنـي وأشهد إنـه مبتـلا بالزعزعـه
أه ياليتـه يخيـب كـل ضنـي = وأسهره عمر مع إحساس أجمعه
ويتغنـى شاعـر لجلـه يغنـي = يجمعه ديوان عشـق ويطبعـه