الجوهرة الغالية

[نمرالعتيبي]

الاخوه والاخوات في شبكة الفلك
و الشموخ والنقاءالله يسعد جميع اوقااتكم بالخير والسعاده
نص للتواجد بينكم وللتواصل مع نبضات قلوبكم
العامره بالحب والوفاء
وكل عام وانتم بخير



ضميان أنا لي سنينً والغدير بشفاك=ياحظ ضامي ورد هاك الغدير وشرب
وأهداك وردة غلا وإحساس نبضه معاك=أنا أشهد إنه موفق من لِقـلبك قرب
تكفين بلي عروق القلب من عذب ماك=فدوة عيونك هـل الأرض العجم والعرب
يامهرة تجذب الخيال علمي نصاك=في بحر عينك غرق وف همهمتك الطرب
أعذب مواويل شعري قلتها من غلاك=وفي غيبتك مارد الإشعار مني هرب
لكن ابأقضي ترى باق العمر في حراك=أدعي على من عذلني بالوهن والجرب
أقف بوجه الظروف وكل غالي فداك=واللي يعادونك أعلنها عليهم حرب
من شان عينك لغامر لو فيها هلاك=ولاهتم بالكون بعد رضاك مهما خرب
ياجوهرة غالية في عين كفوا شراك=الله يحفظك من عيون العجم والعرب