@@ أصنااااااف @@

[جبل ابو زيد]

الفرق بين الناس بالحيل معروف
****** سيف ٍ سكن غــمده وسيفٍ يلآلــي

الله خلق كل البشر مضغة أنطوف
**********لكن كل ٍ حسب بــــذره ينالي

ناس ٍ سمو في كل نايف ومحتوف
******* تـــــرقى طوال النايفــات الطوالي

وناس ٍ عمــى في كل خسف ٍ ومخسوف
******** ماهــمـــه الا ّ كيف يقضي التوالي

ياللي تبي العليا ترى الجد مخلوف
***********تلقــى الظفر في تاليات الليالي

العز في رجل ٍ على الخير مشغوف
******** يحمل على كتــــفه حمول الجمالي

يبذل على العليا وما قال مصروف
********عــــــد الهلل من قبل عـــد الريالي !!

يعطي حقوـــــق الله ويصوم ويطوف
******* وفــــي كل خيـــــــر قال هذا مجالي

يبشر بذكر ٍ طيب الذكر ويشـــوف
******* ناس ٍ تقــــــل له ياسمـــــوا المعالي

يعطي ويجزل بذل عن كل ملهوف
******** يلقى قبول بدعـــــــوة ٍ بالعــوالي

طلق المحياا لو يجي الدار مظيوف
********* كـنه كسب من شوفة الظيف مالي

لن البخيل يبان بالحيل مكشــوف
****** لو كان يكشــــــخ بالغتـــر والعقالي

ولو كان عند الراجحي بنك وكشوف
****** كــنه منـتـــّــــف للعـــوز والسؤالي

لا أعطى حقوق الله عاطف ومعطوف
******* مـــــحروم من ماله وكل العيالي

مازيد في ذكره عسى ذكره يطوف
****** في مرتــــــع ٍ فــــيه الفـقــر والخمالي

هذا كلام اللي على عز موصوف
****** يمدح فعـــــــول أهل الوفا والكمالي

وهذا معاذ الله على طبل ودفوف
*******ما يــــقرب أهل البخل وأهل السحالي

ج ب ل ا ب و ز ي د