@@ نــغــم مــنــفــرد @@

[جبل ابو زيد]

والله من دون نــــور الـــدار وســــراجه =أحس نفســــي غريـــق وحالتي حــالـــه

كن ّ الهـــوى فـــك دون القـــلب مـزلاجــه=تــعـصــف بي الريح واتـــوقى علـى جالــه

أفــتــح رفــوف الحـبـيـب وأبعــثــر أدراجــه=وين الغضــي!! وين صــوتــه!! وين مــوالــه !!

إن كان لك بالــســفر ياصاحــبي حاجــه =حاجــــة حبــيــبــك تفوق اللي فــــقــد مالــه

هذا صــدى (سيف ) بالأركان وزعـاجــه =هذا طــرب ( شهد ) لا غــنت على بالــه

هذاك مرسم وريشة (شوق ) مــوّاجـــه =الوااان لوحاتهــا والـــورد وأشــكالـــه

وهذاك قلبي وعيني ضـــحــكــة إحجاجــه =( منصور ) لا قال -بابا - قلت فدوى له

لو كان ماهو اثــــير الصـــوت ميراجــه =يروي عطش خافقي من صــوت جــواله

يمكن يصيب المــعــنى شيء وعلاجــه =ماهو على الكيف ! راعي الطب يرثــى له

إمـــايعـــود علـــى هـــداج هـــداجـــه =ولا ّ يــصـــوم المولـــّـع قبــــل شــــوالــه !!!!

وإن كااان لك في ربى (الباحة ) ومخراجه =نصــبر على شااان ظرفك وأعرف أحــواله

وإن جيت لا زلــت متــــربع على تــــاجـــه =(الكنق) يرجـع على قصـــــره ومنـــزالـــــه

أقدر على طرق قلبــــي في بــحر آجــــه =والـــمـــد والجــزر مايعــــصى على آله !!

لـــكــــنـــّــي أحاول اطفي نار وهــااجـه =بالصدر حتى يــهــدي القــلب ماشـــالــه

وفرش لك الزل فـــوق الزل ديباجـــه =وأعـــــزف نغـــــم قلب يستناك مـــواله
.

ج ب ل ا ب و ز ي د