مساجلة بين الحرالأشقر وبين الشاعر : ناصر القزلان ..

[سعد المسعودي]

دعاني الشاعر المعروف : ناصر القزلان لمنتدى لمدينته ورحبت بالدعوه


وأنظميت للمنتدى فكانت هذه أول مشاركة لي بالمنتدى ...


النص بعنوان (( ياناصر القزلان))





ســـــــلام ياصرحٍ بنوه المناعير= بإســــــم يشرفني وأشرف جنابه
مجلس ضريه للوجيه المســـافير= أهل الوفاء وأهل الكـرم والمهابه
للطيب وأهل الطيب نقدم طوابير= بإسمي وبإسـم الطيب واللي دعابه
ياناصرالقـزلان مالي معـــــاذير= ماجــــــــــوب دعوه وأمتثل للإجابه
نوفي وعدكم يالســــيوف البواتير= والســــــيف تعرف قوته من نصابه
لبيه ياناصر فدوك المعــــــــاثير= حصن البيوت وســــــعدها لأنتخابه
زيزوم مايحسب حساب المخاسير= للضيف يقدم ياهــــــــــــلامرحبابه
يصخي على المأجوب دفع الدنانير= وحبل المراجل وثقه ماأرتخــــابه
من شــــــاعرٍ للقاف قطفه نواوير= حـــــــــرٍ وفي بالقـول لامن حكابه
يقفي عن المقفي زبون المناحير= ويارد على جمٍ عذي ٍ شـــــــــــرابه
نوماس عرفي للنشـــامى وتقدير= واللي حسب لي حاســــب له حسابه
يالله عســــــاكم في زمنا مذاخير= مذخـــــــــــــوريايمنى الكرم والذرابه
أقولها وإن كان فالقول تقصــــير= العـــــــــذرفالمكـــتوب واللي قرابه
وأختم كلامي عد ماينشيء الخير= وإعداد وبله لاتهامل ســــــــــــحابه

الحرالأشقر

http://www.mowjeldoha.com/mix-pic/borders/www.mowjeldoha.com-borders-1.gif

http://www.mowjeldoha.com/mix-pic/borders/www.mowjeldoha.com-borders-3.gif


فوصلني هذا الرد الجزل من الشاعر الجزل : ناصر القزلان (نديم الليالي)


بعنوان ((الأسم واحد والفعايل تشابه))






البارحه ساهر وادير التفاكير = جوي عليه من السعاده سحابه

فكري غدا مابين وارد وتصدير = والحرف يمطر جاوبي ياكتابه

سر ياقلم سطر من الشعر تسطير = أبيات من طال الشرف والتوابه

يسوقها بين الوجيه المسافير = في حزة الابداع فكري سرابه

للعز وقفه يحتميها المناعير = وقفات مابين الوفاء والمهابه

الحر يومنه تسمى على الطير = الاسم واحد والفعايل تشابه

شاعر ولد شاعر يهز الشواعير = حر ٍ تسلسل من سلايل عتابه

امارته ماجات ضربة مقادير = الا على كف الندى من صوابه

أهدي سلامي مع تحيه وتقدير = يستاهل التقدير حضرة جنابه

الفعل وافي والجمايل مصادير = عليه شارات الذكاء والنجابه

نوّر مجالسنا بعيد المداوير = ماخاب ظني فيه يوم التجا به

حرفي يترجمها طباعه وتحرير = من خاطر ٍ طربان يوم التقا به

مثل المطر جانا على وجهه الخير = غنا الحمام وجاوبت له ربابه

يامرحبا به من طميه الى النير = نقولها من قلب يامرحبا به



الشاعر: ناصر القزلان .. ( نديم الليالي )


(
)
(