الشعر وهبه ..

[سعد المسعودي]

ياهاجسي مادمت للفكر مندوب = هات الجواهر عند منهو كفلها
من صوخ فكري كنها جنيه مصبوب =وأنزل بها في رووس ماأحداً نزلها
والشعر وهبه مايجي للعرب دوب = ولحمولها مايبرك إلا ّ جملها
ماني وكيلك ياشعر بس مطلوب =بلواك في نفسي لحقني زملها
ثوبك شريف ولابس الثوب مقلوب = وعن الرجم يقصر خطاه لسهلها
ياللي حسبت سنين سبعك ومحسوب = أحمل شهاده يوم غيرك حملها
من لأعتبر فالناس ماظنه يتوب = ووجيه تحفظ دمها من خجلها
شاعر ولاني يااهل الشعر منصوب = لاشك لامرت علي ماحتملها
مانلحق الشعار والشعر عذروب = وكل النفوس حسابها من عملها


الحرالأشقر