عايض الرشيدي ،، سعد المسعودي ،، محمد الصاعدي ،،(مساجله)

[سعد المسعودي]

الشاعر المعروف : عايض الرشيدي (عطيب المضاريب)

شاعر من ضمن الشعراء القله الذين أثبتو وجودهم بالساحه ..


كتب هذا النص بعنوان

( ضيف وضواه الليل عند المعازيب ) الموجه لي وللشاعر

المعروف : محمد الصاعدي فتم الرد عليه من قبلي وكذلك من أبوحمود



وفيمايلي .. ماكتب شاعرنا : العطيب



سلام مني كثر ماهل همال=على الرجال أهل الوفاء والمواجيب
اللي لهم في قمة المجد منزال=حاميهم الله من جميع العذاريب
من دون سد أوجيههم ترخص الحال=في ساعة(ن) يخطي بها الظن ويصيب
وأنا فخور بمعرفة كل رجال=ضيف وضواه الليل عند المعازيب
بضيافة اللي عون لاحدك الجال=سعد سعد شرواه عنوان للطيب
وتشريف دعوة طيّب العم والخال=منهو محمد لعوى الذيب للذيب
ابن حمود الصاعدي طيّب الفال=عن الطمان بعاليات المراقيب
لو القلم يحصي مايخطر على البال=يمكن تضايق بالحروف المكاتيب
ياكثر مافي خاطري كيف ينقال=عيّا اللسان إيطلّعه للهناديب
وماقل دل بعذب تعبير الأمثال=والمعذره هي غايتي والمطاليب

الشاعر:عايض الرشيدي


http://www.mowjeldoha.com/mix-pic/borders/www.mowjeldoha.com-borders-1.gif



(عطيب المضاريب )

عنوان النص الذي تم إرساله للشاعر : عايض الرشيدي من قبلي ..



يامرحبا وإعداد وبله وماسال= من غر مزنه لاتزاهم مناصيب

قام يتركز مقدم النو بخيال =وشفت الزبد من فوق سيله قواليب

رحبت باللي صايغ ٍ زين الأقوال= دليل فالطرقه على شمخ النيب

ترحيب وافي مانقص منه مكيال=ميزان وافي مالحق كفه العيب

الفال بيت وساس يبنا على عقال=والذيب يدني بعّدها بالمهاذيب

لاجار حمل المعضله تبرك جمال=ومن ثقلها خفت لحرش العراقيب

ومادام عايض للهدف صار نقال=أسمه ترى عندي عطيب المضاريب

من كف يمن(ن)تحتمي طيب الأفعال=وفي ماقفي ماأنقل رصاص ٍ مكاذيب

تاريخ للتمجيد في عصرالأجيال=وكل ٍ على جيله وينقل تجاريب

للعز ساس وللمواجيب مدهال =حصن البيوت العامره والتراحيب

ماكر حرار ٍ تعتلي كل ماطال= حرار تدمي والعشاء فالمخاليب

اشدادنا في هامة الطيب مازال = والطيب ذخروساس مايلحقه ريب

وأنتم سترعذراً كشف سترها الشال=تضفون ستر المترفات الرعابيب

بني رشيد اللي لها رؤؤس الأبطال= حدب ٍ على الجمهاه والا التلاليب

هذا وأنا من دلتي سقت فنجال = وعديت فنجال أشقره للشواريب

للرووس كيف ولأهل الكيف ينزال=عماس رووس ٍ ماتهاب المصاعيب

ماعنَ رؤؤس القب ياكود خيال=الشلف تفرق فرق شلفا تراحيب

الحرالأشقر



http://www.mowjeldoha.com/mix-pic/borders/www.mowjeldoha.com-borders-1.gif


وفيما يلي رد شاعرنا الجزل : محمد الصاعدي بعنوان (قبل ماأقولها قال)




المنتدى قام يتمايل ويختال=يرقص ولقسامه يدز المناديب
وكواكبه صفَت من الجال للجال=إتردد أيات الحدا والتراحيب
بقدوم من لا قال كمَل بالأفعال=برهان بدوٍ مايسطر بتعريب
عايض سديد الراي نقَاض فتَال=حلال للعسرات زين الأساليب
لا قال تمَ و لعرضت طايله طال=على النقا والعز لا شك لا ريب
عزوة طنايا عبس من ماض الأجيال=سقم الحريب إمدلهين الأصاحيب
ريف الخوي والزند قابس لمن عال=خذها وذقها ما على البــال تثريب
تاريخ ماضيهم ينومس و لا زال=مع الرواه و يشهدون الأجانيب
وأنا أشهد ان الطيب في صاحبي هال=أهل العقول إمتابعين التجاريب
راع النبا الجذاب في كل الأحوال=ظاهر حسن واحسن من الظاهر الغيب
ميقاف ينشاف وعناوين ودلال= وأقلط وحي الله و دهن الاشانيب
إقلط يابو عارف لك الصدر مدهال=تصدر المجلس وما جاز لك جيب
ماجاز لك جايز على كل منوال=من هيض والا غيض و الا رعابيب
عندك دوى من جفِله صالي اللال=وعندك جلى عمسٍ إموتَد بطانيب
وعندك وعندك يلبس الشعر سربال=يبرى معك ينشط معك يطرد الشيب
ينسى الأسى عقب إحتسى الكاس غربال=صبح ومسا تسقيه عذب المشاريب
إتورده هدَاج وتصدره نال=إعجاب نقادٍ تروم التعاجيب
معك الرسن قل تم تفداك الأنذال=ياللي بصدرك هبدة الصدر ما تخيب
بعد لفيت وصاحبك حط ما شاااال=عندك وسمَ و زٍم يا فاقد العيب
الكار كارك بين حِلٍ وترحال=يا مورد الهقوة قوي المخاليب
الحر الأشقر قبل ما قولها قال=هذا البطل عايض عطيب المضاريب




الشاعر: محمد الصاعدي


http://www.mowjeldoha.com/mix-pic/borders/www.mowjeldoha.com-borders-1.gif


الحرالأشقر