(( الحر الاشقر ))

[الفهد]

السلام عليكم ورحمة الله وبركاته :-
السبت - الموافق 16 / 7 / 1429هـ
هذه الابيات بمناسبة زيارة الاخ العزيز / سعد المسعودي للفهد .
آمل ان تحوز على رضاء الجميع .

(( الحر الأشقر ))


عدة اشهور السنين وعدة ايام الشهور = وعد ما غيم سحاب وعد ما يمطر مطر
مرحبابك ياهلابك زدت فوق النور نور = مرحبا باللي على شأن الفهد والله حضر
مرحبا واعيدها يا مرحبا كلي سرور = مرحبا باللي جلس في بيتنا بعد العصر
حرٍ اشقر مايبي تعريف من منبع صقور = ماكره فوق الجبال العاليه ماهو حدر
الكرم والطيب فيهم من قديمات العصور = لابتي يا تاج رأسي نفتخر فيكم فخر
يا سعد يحفظك ربي من صواديف الشرور = اعرفك يالاحر الاشقر ما تهاب من الخطر
والنهايه سامحونا وإن حصل منا قصور = والخطأ مرجوع قاله قبلنا زيد وعمر
والختام اعداد ما تنبت على الارض الزهور = يا صلاة الله على الشافع لنا يوم الحشر

وسلامتكم ...

الفهد،،،