* اهرج النفس *

[الفهد]

عزالله انك ملكت الروح يا خلي = وأخذت كل الغلا ما عاد لي غالي
واصبحت هاجس على قلبي رفيقٍ لي = من وين مااروح في حلي وترحالي
ذكراك دايم معي حتى وانا اصلي = اشغلتني عن صلاتي وانشغل بالي
اهرّج النفس حتى الناس تفطنلي = تستغرب الناس ليه اسولف لحالي
المشكله يا حبيبي مالها حلي= وصلك تصعب عليه ما تهيالي
متى يخف العنا يا صاحبي قلي = عزالله اني على ذا الحال يرثالي
فكري وقلبي معك وش عاد باقلي = باقي عظامٍ تهيم ايمين وشمالي
يا ليت ربي هداك اخذتني كلي = ريحتني من بهاذيلي وغربالي


الفهد،،