** عاشق **

[الفهد]

من ديوان الفهد
واهديها للجميع
وسبق ان ألقيتها بالشات الصوتي على شكل شيله في الامسيه التي كان شعراؤها نايف العتيبي والاخت العطااا .

اسجعي يالورق في وجه الحزين = واغرفي من دمع عينه واشربي
وسعي له خاطره لا تبخلين = قدمي له من لحونك وإلعبي
ابحثي سره ترى سره مكين = دافنه بين الضماير مختبي
واسئليه اذا بغيتي تعرفين = واسمعي قصة عذابه واكتبي
واحصريها كلها في صفحتين = ردديها في لحنك الريعبي
وارسميها في جناحيك الثنين = واكتبي عنوانها شاب الصبي
((عاشقٍ )) فارق حبيبه من سنين = وانسبى حاله من الفرقا سبي
كل ما يستر على جرحه يبين = اثر جرح اهل الهوى ما يغتبي
ينتظر يبغى تواليها تزين = راحت الايام باللي هويبي
وسلامتكم ،،

الفهد،،،