أبيات عن قصائد

[الفهد]

ياللي تحس بداخل الجوف جمره = سج القدم يا عزوتي مدة اسبوع
والزاد خله قربة الماء وتمره = لا ميتٍ ضامي ولا ميتٍ جوع
وعليك بالمقيال في ظل سمره = إن ما لقيت الضب حصلت جربوع


الفهد،،:flk10:


:125:


هذه القصيده اعتبروها مصافحه اولى لكم من الفهد


كل شيءٍ تغيّر يالله المستعان =ما بقي من رسوم الماضي الا قليل
كني اللي مضيّع فيك ياذا الزمان = تحت شمس النهار وناظري تحت ليل
اتذكّر واسيّر من مكان لمكان = واتخيّل واشد مع الخيال الرحيل
المعالم بعضها مندثر ما يبان = ما بقى الا الفراغ ولا ملاه البديل
كل مااربط حصان الفكر تل العنان = راح يجري مع الماضي ويصهل صهيل
بين حاضر وماضي فرق في الاتزان = فيه شيءٍ خفيف وفيه شيءٍ ثقيل

وسلامتكم ،،


اخوكم // الفهد ،،،:flk10:



:27::70:



عدة اشهور السنين وعدة ايام الشهور = وعد ما غيم سحاب وعد ما يمطر مطر
مرحبابك ياهلابك زدت فوق النور نور = مرحبا باللي على شأن الفهد والله حضر
مرحبا واعيدها يا مرحبا كلي سرور = مرحبا باللي جلس في بيتنا بعد العصر
حرٍ اشقر مايبي تعريف من منبع صقور = ماكره فوق الجبال العاليه ماهو حدر
الكرم والطيب فيهم من قديمات العصور = لابتي يا تاج رأسي نفتخر فيكم فخر
يا سعد يحفظك ربي من صواديف الشرور = اعرفك يالاحر الاشقر ما تهاب من الخطر
والنهايه سامحونا وإن حصل منا قصور = والخطأ مرجوع قاله قبلنا زيد وعمر
والختام اعداد ما تنبت على الارض الزهور = يا صلاة الله على الشافع لنا يوم الحشر

:50:


الشاعر : الفهد ..:flk10: