الحب فن وصحّحي فـي مباديـك

[عبدالرحمن الجبابرة]

اليوم ابنسى واتناسـى طواريـك=وان مرطيفك يوم صدّيـت عنّـه
من اوّل ٍ لك الغلا وكنت شاريـك=واليوم ابيع الحب لا جلـه بمنّـه
ياشين حب المن عـزّي لمغليـك=ترى منّ الغـرام مـا فيـه بنّـه
الحب فن وصحّحي فـي مباديـك=مثلك غشيم وما عـرف ذوق فنّـه
الحبّ إحساس وشعـور ٍ يناجيـك=الحب في جيلـك قليـل اعرفنّـه
الحب ما هو كلمـه الله يشافيـك=حتى انشدي اللي حبّـن وجرّبنّـه
لوكان بك قلبـٍ تضمّـه محانيـك=قد حس مثـل خافقـي وون ونّـه
كم ون ّلك بليلـٍ اظلـم بواديـك=كم فز وكم طواري (ن ) افزعنّـه
قد كان ظنّي اكبر من الرجا فيـك=لكنّ بان ان الرجـا خـاب ظنّـه
صدّي ولا بـد الليالـي توعّيـك=قد وعّن اللـي غافـلٍ ماتركنّه
جنّه بلا منـادي ولا بـد تناديـك=كم مثل بابك يـوم جـن اطرقنّـه
يومن لك ويومن عليك ويوم بيجيك=ومداول الأيام فـي الخلـق سنّـه
وسلامة اللي قالهـا قاصـدٍ فيـك=وسلامة اهل القاف ومن ذاق فنّـه