القزلان والجبابرة .. صوت وصدى

[عبدالرحمن الجبابرة]

السلام عليكم ورحمة الله وبركاته
الأحبة رواد الفلك الثقافية
صباحكم معطر بعبق الجوري الطائفي
الشاعر والناقد الأستاذ : ناصر القزلان غني عن التعريف وله في ميادين الأدب صولات وجولات الكثير منا يعرفها وبالنسبة لي يطربني سماع قصائده وأجد فيها تحفيزا للبوح فأعمد لمجاراته وهو حفظه الله بتواضعه وكرم أخلاقه يقوم بالرد الفوري وبتشجيعي والإشادة بما أبوح به وهذا من دواعي غبطتي وسروري ,,


.
قال لي أحد الإخوان ممازحا في منتدى آخر : طالت غيبة ناصر القزلان عسى ما بينكم شي من الأمور فقلت



(من طول الغيبات جاب الغنايم)=وحضوره اشهد انه أكبر غنيمه

ياناصر القزلان في ( All taime ) = ( Welcome ) فديتك لك مقام ( ن ) وقيمه
مثلك يرحب به وتحزى الولايم=تصطف لاجلك الوفود بحشيمه

مافيك شك وخوتك فوق دايم=حاشاك ما انت براعي( ن ) للسقيمه

حرّ ولد حرٍّ وتوفي الذمايم=وان جا اللزوم فانت راعي الكريمه

كلك وفا ومضرب مثل بالعزايم=ما هي غريبة في ( تـميـم ) العزيمه

ان جيت بمدح فالمدايح عظايم=واخاف ما توفي حروفي بقيمه

وان جيت بوصف فالوصايف تمايم=لكن وكاد ان كل ابوها عظيمه

ومن لامني فيك فيكث ـّر ملايم=ماهمني ملام راعي الذميمه


ما قلتها غبيّا ولا نيب هايم= تغباية ٍ للود ما هيب شيمه


يالله عسى من أرّثك في النعايم=جزاه في فردوس ربي النعيمه




ولم تمض مدة 24 ساعة إلا وأستاذي : ناصر القزلاني يشرفني بالرد على القصيدة قائلا : ردا ً على قصيدة أخي الغالي عبدالرحمن الجبابرة التي شرفني بها ..



سلام ٍ احلى من رقيق النسايم = لاهب من ريح الخزامى نسيمه

لاطاح من دمع السحابه ردايم = يروي ظما غصن النفوس الهشيمه

للصاحب اللي خصني بالقسايم = يقسم لنا من ود قلبه قسيمه

مثل القلايد في نحور الوسايم = تضفي وسامه فوق جيد الوسيمه

هذاك راع الطايلات الهمايم = نفسه على عد المراجل مقيمه

رفيق جاني كنه الصقر حايم = صدفه على درب النوايا السليمه

عميد في سوق المهمات سايم = مايشتري غير الحرار الهميمه

هذاك ابو غانم وفيّ اللزايم = من راس قوم ٍ بالمراجل لزيمه

اولاد زايد عاصبين العمايم = لاصاحت العذرا نهار الهديمه

يفداه رديان الرجال الهلايم = اهل العقول الباليات السقيمه

لو غبت مهما غبت بالعهد قايم = على الوفاء روح الولاء مستديمه

ابشر نشوف البرق والجو غايم = مايتبع المقفين غير البهيمه


تحياتي للجميع ,,,,


صح لسانك يابو محمد ولا عدمناك
دمتم بود ووفاء