يممـت يمـِّه جالـي(ن) وجـا لـي

[عبدالرحمن الجبابرة]

السلام عليكم ورحمة الله وبركاته

أتمنى بأن تنال على رضاكم واستحسانكم






يامرحبا باللي لفا حلاله=وهوبعد أساس راس مالي

ترحيب بدر ليلة اكتماله=وانا مكمّل له وهو كمالي

ولـّيته الولايه ومجاله=ولاية قلبي وأنا الموالي

موالي (ن) له بقدر جلاله=يممت يمه جالي(ن) وجا لي

حلاوة حالتي لي احتلاله=لاحتل حالي احلو حال حالي

يطربني بنغم صدى ابتهاله=لمن سمعت الصوت سر بالي

رضيت به وأدور الرضى له= برضاه راضي دامه ارتضى لي

ولو قطع سعيت في وصاله=وانسى العتب عليه في وصالي

وسيّد ي لو يبدي انفعاله =ماني بجافي(ن) ولا بسالي

له الغلا والحشمة ولآله =واغليه قيس بالغلا بآلي

مثل ما قيل بالمثل مثاله=احب نجد لاجل حب غالي

واحب ذاك المودمي وفا له=لاجل محبة واحد(ن) وفى لي

وان قلت قلبي ملكه وحلاله= فهو أكيد من أولن وتالي





عبدالرحمن الجبابرة