@@ ياجـــــــاحده @@

[معتاد النفيعي]

دام الشقاء لي والعناء لي زرعتيه = وش فايدة حبٍ زرعة وجنيته
ودام الرجاء والوصل حبله قطعتيه = وأنا على رجواك حبلي طويته
ثوب الخيانه ليه ضدي لبستيه = وأحسرت عيوني بدمعٍ بكيته
أعيش في حبٍ مضى لو كرهتيه = وجدد الذكرى وأنا مارضيته
ابشتكي جرح الحشا لي جرحتيه = وأخذ بثاري عقب سهمك رميته
وأعيشك في عالمٍ ماطلبتيه = واذكرك جرحٍ مضى مانسيته
هدمت بيتٍ في حشايه بنيتيه = وهدمت حلمٍ في حياتي بنيته
وردٍ زرعته ليش عني حجبتيه = ولافيه وردٍ غير وردك سقيته
ياجاحده حب الشرف ماعرفتيه = حب النقا ياجاحده مالقيته
الزيف بين وانكشف ماكنيتيه = وقلبٍ عصاني في زماني عصيته
هذي نهاية دربك لي مشيتيه = واللي من الأيام يكتب قريته
روحي لقلبٍ فالمحبه خذيتيه = وأنا بروح ومكسبي ماجنيته