اببتدي بالقاف لصقور شاهين

[ضيف الله الحميدي]

اببتدي بالقاف لصقـور شاهيـن=مني وانا حربي ويرسل سلامـه
حربي وقيس الوقت بالعسر واللين=من لابتن للعرف وزن وحكامـه
ونحمد الله مدركييـن الموازيـن=مانفعلـه مانلحقـه بالمـلامـه
سلام ياقوم الوفـاء والسلاطيـن=سلام ياقـوم الكـرم والشهامـه
ياساس قومن ماتعـرف الرديـن=قوم المراجل تعتلـي كـل هامـه
قوم الكرم والصيت للعز ضاريـن=قوم الوفاء شمر وقوم الكرامـه
صيت سمعته لج وسط الدواويـن=يوم الكرم والجود فيهـم علامـه
الصيت عز ولطرأقـي كريميـن=قوم الحـرار بعزهـا والزعامـه
اقولها وعندي ثبـوت وبراهييـن=ويقولهـا واحـد يثمـن كلامـه
مكازي عشأالذيب له وقت وسنين=مرحوم ياراع الكـرم والعزامـه
وقت المجاعه ماحسب للبخيليـن=ذيبن وعشي الذيب وقت الضلامه
سوالفن ماجات قبله وهالحييـن=للي يمد سمـان ماهـي هلامـه
ولافيه قصورن بالرجال الوافييـن=كل القبايـل بالنقـاء واللزامـه
وكل الحمايـل بالحقايـق نقييـن=وسارين في نهج الوفاوالحشامـه
ونهيتها وكلن على الخشم والعين=وكلن على ماقيل حـازم حزامـه
وختامها ياخالق الكـون الديـن=تحسن عواقبنـا نهـار القيامـه