الكنز

[سلطان الحضبي]

تحيه للجميع






ول ياقلبي لـه ايـام مـدري وش بـلاه=كل ما جا الليل دكـت هواجيسـه عليـه
سبته صدري من الضيق واصل منتهـاه=كل حزه فيه شيٍ على الضيـق ايحديـه
يمدي انه طق لو لا الولي ثـم الصـلاه=الحظيظ اللي على الخير مـولاه ايهديـه
موتتٍ بالعـز والا حيـاه ابـلا اشتبـاه=الغبي ما يفهـم العلـم يفهمـه النبيـه
القناعـه كنـز للنفـس والجنـه غنـاه=بشر اللي يرضي الله ويرضـي والديـه
ياعليم الغيب أسالك عـن النـار النجـاه=ارحم اللي تالي الليل يرفـع لـك يديـه
الحياه ادروس والعلم مـا يلحـق مـداه=كل ما قلنا انتهى الدرس غيـره نبتديـه
الوكاد الوقت ماحـدٍ بسالـم مـن عنـاه=والصحيح ان كل مخلوق يوجد له شبيـه
لا متى والشخص يجهل تخيـار اصدقـاه=وياثق ويصدق ويشفق لناسٍ مـا تبيـه
الرجل لازم صديقه يجـي فـي مستـواه=وان دعى الماقف بماله وحالـه يفتديـه
دايم بصفـه ولا جـا مجـالٍ مـن وراه=يذكره بالطيب ثم يمدحـه ثـم يحتميـه
والله اني بعـد جربـت واجـد فالحيـاه=صرت اجنب عن كثير العرب ما عاد اجيه
خايفٍ تفسير جيتي علـى غيـر امعنـاه=وينحمل في محمل الشيّن لو قصدي نزيه
ويش ابي باللـي بليـا مبـادي واتجـاه=المقـرد و الردييـن والنـذل السفـيـه
كل منهم وجهه الودر نسخه مـن قفـاه=يظهر اعيوب الآوادم وهو العيـب فيـه




:سلطان بن مقعد الحضبي السبيعي: