شرد الحباري

[سلطان الحضبي]

تحية طيبة للجميع::





الله مـن قلـبٍ همومـه تلوبـه=لوب السموم اجذوع طلحٍ عواري
رحنا لوقت البين مثـل الجلوبـه=لارددوهـا بيـن بايـع وشـاري
مرات يصفقنا سمـوم ورطوبـه=ومرات نجفل مثل شرد الحبـاري
ماشيّن مع درب الشقى والعقوبه=نمشي على مالانريـده اجبـاري
من جور وقت العولمه والصعوبه=محـدٍ يدارينـا وحنـا نــداري
ندرى عبـادٍ قدرنـا مـا دروبـه=مافيه للطيّب مقـام 0و0وقـاري
جيل الفساد اللي ينفّـخ ذروبـه=جيل الدمار اللي عساه الدمـاري
يبقى الشباب اللي نقيـه دروبـه=مالي ومال أشباه جوز الكنـاري
لاشك قلته يوم شفـت العجوبـه=ومتناقضاتٍ بين كاتـب وقـاري
احترت فالدنيا الكـذوب اللعوبـه=تلعب على الحبلين والغيب جاري
كم صاطيٍ منها غدى له ذهوبـه=وكم خيرٍ منهـا يهـل العبـاري
ماحدٍ سلم منها اللعوب الكذوبـه=ياما جرالي من سببهـا جـواري
صباح يومي خايفٍ مـن غروبـه=أخاف من ليلي وانا فـي نهـاري
أخفي وقلبي فيه شبـت شبوبـه=طوارياً قامـت تنـادي طـواري
نفسي على مالا تريـد مغصوبـه=وارمي بها فالنار من حر نـاري
ولا ضاق به مثلي من الهم ثوبـه=لازم يسج الرجل وسط البـراري
بقفرٍ خلاً خـال تذعـذع هبوبـه=يلقى نداء سيله وباق الخبـاري
وخوة نشاماً للمواقـف طروبـه=ماهيب كشتت شلةٍ فـي كبـاري
أخير من ضوضا المدن والصخوبه=قطع الخرايم مع وساع الصحاري





: سلطان بن مقعد الحضبي السبيعي:

[عبدالرحمن الجبابرة]

شاعرنا المبدع : سلطان بن مقعد السبيعي

صح لسانك وسلم فكرك
وبيض الله وجهك
وصفت فأتقنت
ونظمت فأبدعت
وتغنيت فأمتعت
لاعدمناك