ديوان العرب

[سعد المسعودي]

ياهجوس الفكر والرأي السديد= زان بدع القاف والمخرج ملي
مابدعت إلاّ الفرايد والجديد = ومع جمال العرف وأسوق جملي
النوادر رأس مالي والفريد = مايّشبه به على قول وحلي
ماردي والحبل من كفي جويد = واردينه يوم مايحات الدلي
بعد ماجات الرسايل فالبريد = بإسم ديوان العرب لي مرسلي
تحمل بطياتها علم ٍ وكيد = والشعر سامي وقدره معتلي
بإسم ديوان العرب مجد ٍ تليد = ماشقابه صدر عن جهده ٍ خلي
جامع ٍ بإسمه وبأسم أهل القصيد= هيض ولاّ غيض صدرٍ ممتلي
الهدف منشود للشوح البعيد = ومن نهج عرفان شكر مجملي
تفرق العقل اللبيب عن البليد = فرق دبج العد عذب المنهلي
طالبٍ مولاي خلاق العبيد = بالنجاح ألكم وبالمضمون ألي
قلت قول(ن) فوقه الرب الشهيد= والياً خلقه على كونه ولي