عقـاب....مطلوب للعداله..

[العطااا]

ابوتركي....صباحك زعيعر..:x57:

استلم



ياسلام الله سلامٍ .. عليكم يالحضور = والفلـــــك دوار .. والنارمن شبابها
أنت ياعقاب شاعر عندنا و مخبور= تضرب الأخطار..والنار من شبابها

[الجوهره]

الله الله عليك يالعطااا صح لسانك يانشميه

وبيض الله وجهك وتراني بصفك

وننتظر ابو يعقوب اقصد ابو تركي يشبها ههههههههه

من المتابعين وفي انتظار ابداعكم .

[محمد السريّع]

الله الله


مبدا كايف و اكيد راح نستمتع بهذا النزال


و انا بصف اخوي عقاب وشد حيلك ياولد روق الصبايا ناوين نيه ههههههه


واصلو يامبدعين

[السالمية نادية]

انا بعد بصفك صح لسانك

[السالمية نادية]

ياروقي الله واياك

[عقاب الروقي]

حيالله العطااا .’, شاعرة الإبداع .’,

صباحك صباح طرمس وخرمس وزعيعر ,, ^_^

الله الله

أستلمي .’,


مرحبابك يالعطاا " والغلا وسط الصدور=وشهي الأخبار , والنار من شبابها
أسلمي يالطيبه جاك طيب مايبور=ولعي فالنار , والنار من شبابها

[مقبل الفهد]

واقف مع الصف

اسلموا

[عقاب الروقي]

أرحبي يالميس قصدي يالشيهانه .’,

>>> تشبها ^_*

حيالله الشيهانه ياهلا وغلا نورتي المحاورة .’,

وبِما إنك بصف العطااا أقولك مقولتي المشهوره .’,

صباحك صباح زعيعر !!

ياهلا والله "

[العطااا]

حـــــــيهم كل ابـــــــــــوهم..

هلا ومرحبااااااا بهالصفوووف...

ابوتركي...صح شرياااانك..

[الجوهره]

صح لسانك ياعقاب وبيض الله وجهك رد ولا اروع

بنتظار النشميه يالله يابنت شمر اديله الرد الي يشفي الغليل ههههههههههههه

متابعه ..........

[عقاب الروقي]

أخوي محمد السريع :

ياهلا وغلا والله .’,

نورت المحاورة "

وأزهلهن أوريك فيهن مدامك بصفي مايحتاج .’,

بصبحهن صباحٍ على كيفك .’,

ياهلا وغلا وأتشرف بوجودك بصفي .’,

[عبدالرحمن الجبابرة]

الليل الليل يا مسرجين الخيل



العطااا

عقاب الروقي


تسلمون وصحت ألسنتكم

[نبض الشمال]

هلا بالجميع

ومبدا كايف يالعطااا

صح لسانك وسلم عمرك

ولاهان ولد عمي عقاااااااب ورد وافي

في صفك يالعطاااا وفي صفك ياعقاب

كيف جات ...!!!

متااابع

نبضـ االشماالــ

[عقاب الروقي]

السالميه ناديه :

أهلاً وسهلاً بكِ .’,

نورتي المحاوره يالأميرة .’,

لاخلا ولا عدم "

[عقاب الروقي]

مقبل الفهد :

ياهلا وغلا ,,

يتشرف الصف بوقوفك .’,

نورت المحاورة "

[العطااا]

الله الله

استلــم..
مايخلـي مهنـتـه دوم حفارالقـبـور=من أكبرالتجار والنـار مـن شبابهـا
قصتك في ماضي الوقت زادتني سرور=سر ولا جهار والنـار مـن شبابهـا

[عقاب الروقي]

العطااا

صح بدنك ولاهنتي ,,

وكما أوضحت سابقاً صباحك صباح الثلاثي المُرعب .’,

^_^

[العطااا]

نبضـ الشمالـ

يكفينن هالحضور,,,عن الصف...

لاهنت

[السالمية نادية]

الله هالله يالعطا

[عقاب الروقي]

الشيهانه :

صح بدنك ولاهنتي .’,

مااالت على الباااميه مايحتاج تحريض .’,

ماهيب مقصره هي ^_^

حيااااك يالأميرة "

[الجوهره]

أرحبي يالميس قصدي يالشيهانه .’,

>>> تشبها ^_*

حيالله الشيهانه ياهلا وغلا نورتي المحاورة .’,

وبِما إنك بصف العطااا أقولك مقولتي المشهوره .’,

صباحك صباح زعيعر !!

ياهلا والله "

ياهلا وغلا يابو تركي تسلم على الترحيب

وصباحك صباح زعايير ولو ماعرف معناه هالكلمه ههههههههههههه

الله يقويكم يانشاما .


اي باميه هههههههههههههههه:x4x:

[محمد السريّع]

أسلمي يالطيبه جـاك طيـب مايبـور

كفووووو

صح لسانك

ازهل الصفوف يابو تركي ... الليل الليل

[عقاب الروقي]

عبدالرحمن الجبابره :

صح بدنك ولاهنت . ولاعليك زود .’,

نورت المحاوره "

[الجوهره]

الله الله

استلــم..
مايخلـي مهنـتـه دوم حفارالقـبـور=من أكبرالتجار والنـار مـن شبابهـا
قصتك في ماضي الوقت زادتني سرور=سر ولا جهار والنـار مـن شبابهـا

الله الله ياشاعره السنافيه

صح لسانك وبيض الله وجهك على الرد الوافي والكافي

عليك به شبيها عليه يالله انا بصفك للنهايه .

[السالمية نادية]

حنا متابعين لاتجوعونا العشى بعد المحاورة

[السالمية نادية]

وين الشاعرة خرجت من الصف ؟ياروقي راحت تشرب والحين تجي

[العطااا]

الشيهانه...ندوووشه

هلاابكن....

جعلي مااخلى منكن يالعزووووه...

[عقاب الروقي]

إذاً فلتكُن الحرب "

الله الله

أستلمي ^_^




لا يخليها وانا ماألتفت الــ .. هالأمور=شاعرٍ بيطار , والنار من شبابها

ياعساك بخير دايم ووقتك مايجور=وشهي الأسرار ؟ والنار من شبابها

[الأصيلة بنت أبوها]

السلام عليكم ورحمة الله وبركاته
بنت البــــــــــــدو : حضرت المحاورة لاهنتم جميعا
لاهنتى يالعطا
تراى أخت عقاب وافتخر وأتعزوا فــــــــــــية
لعيناك ياعقاب وانا بنت ابوى حذفت البـــــــرقع ههههههه
صح الله لساااانك ياخوى ،، وعطنى عقالك اتقلـــــــــــدة

أختك الأصيلة

[عقاب الروقي]

تسلم والله يالسريع .’,

فديت راسك "

طالبك لاتمسكني فكني .’,

لأورينهُن الشغل !!

بالذات الشيهانه هي اللي تحرضها علي :(

<<< دنا غلباااان !!

أزهل يالأمير " معركه حامية الوطيس بس عندك الصف .’,

[السالمية نادية]

الله هالله والنعم فيك أخوي يانشمي اشرب ماي اشرب

[الجوهره]

يسلالالام عليك يابوتركي

صح لسانك ولا هنت ياولد الروقي العتيبي

شبي الحرب يالعطااا عليك بها القرم السنافي

[عقاب الروقي]

السااالميه :

بخليها تموت من العطش هههههههههه

ماجاها شي تو الليل بإوله .’,

<<<< وش عنده رشيد الزلامي ^_^

[العطااا]

وعليكم السلام ورحمة الله..

هلابك..يالاصيلة..

ونعم بك....وانا اشهد اخوتس عزووووه..

حياااك..

[الجوهره]

حنا متابعين لاتجوعونا العشى بعد المحاورة

اي عشه الله هداك ندو :x66: هههههههههه

اقول احجزي لنا طاولة فطور على حسابي باحلى فندق عندكم بالكويت

خليها وناسه ههههههه

سوري السالمية ندو فكرتك من الكويت طيب احجزي بالشرتون الي بالهداء هههههههههههه

[عقاب الروقي]

الأصيلة بنت أبوها :

ياهلا وغلا والله ...

دووووووووووووك العقال وأمسطي أي أحد يمرك ألا السريع تراااه معنا ههههههههه

<<< لاتنسين اللي في بااالي ^_*

نورتي المحاورة الأخت والشاعرة الجزله الأصيلة بنت أبوها "

وأتشرف إنك تعتبريني أخوك .. لاهنتي يالغااااليه .’,

يااااااااااااااااااااااووووووووووووووك جتكم الأصيلة ""

[محمد السريّع]

الله الله

لازالت الكفه متساويه


الليل الليل نبي نشوف الميل على الصبايا


ابو تركي جعلني فداك شوف شغلك و ازهل الصف

[العطااا]

اجل جحيــد..وعلمٍ بعيد..يابوتركي..

استلم..استلم..


طارت طيور السماء والبلى وسط الطيور = واليدين قصار..والنار من شبابها
ماسمعنا صيتكم في قديمات العصور = بن دون بهار .. والنار من شبابها

[عقاب الروقي]

الشيهااانه :

شكراً جزيلاً لكِ .’,

بس لا تقولين لها تشب نار الحرب ,, ماابيها تاكلكم .’,

^_^

[السالمية نادية]

لاتسمع كلام خويك السريع ترى بيورطك مع الصبايا
ابشري يالشيهانة فطورنا على ضفاف نهر السين بباريس

[محمد السريّع]

اجل جحيــد..وعلمٍ بعيد..يابوتركي..

استلم..استلم..


طارت طيور السماء والبلى وسط الطيور = واليدين قصار..والنار من شبابها
ماسمعنا صيتكم في قديمات العصور = بن دون بهار .. والنار من شبابها


اهااا و الله العلم يخوف هنا الله يستر ههههههههههه


ولد رووووق نيشن نيشن زيييييييييييييين هههههههههه


العدوووو مو سهل لكن يبي الله ينصرك

[السالمية نادية]

طارت طيور السماء والبلى وسط الطيور
واليديـن قصار..والنـار مـن شبابهـا
ماسمعنا صيتكم في قديمـات العصـور
بن دون بهـار .. والنـار مـن شبابهـا



الله هالله بنت رجاال ياروقي جاك الموت

[الأصيلة بنت أبوها]

الأصيلة بنت أبوها :

ياهلا وغلا والله ...

دووووووووووووك العقال وأمسطي أي أحد يمرك ألا السريع تراااه معنا ههههههههه

<<< لاتنسين اللي في بااالي ^_*

نورتي المحاورة الأخت والشاعرة الجزله الأصيلة بنت أبوها "

وأتشرف إنك تعتبريني أخوك .. لاهنتي يالغااااليه .’,

يااااااااااااااااااااااووووووووووووووك جتكم الأصيلة ""



أبشر : ياخوى
خلهن على وانا بنت ابوى
والشرف لى يابن الاجـــــــــــواد ،، والسريع بالحفظ والصون وعيونى لة
وامسك الصف زين يالسريع
وبقول خلوها نيابة عن أخوى

[عقاب الروقي]

الله الله

أستلمي .’,



يالعطاا وش فيك دمك بشريانه يفور=لدي الأنظار , والنار من شبابها

لن مافي راسك أذاني وقلبك جسور=يجهل الأخيار , والنار من شبابها

[محمد السريّع]

لاتسمع كلام خويك السريع ترى بيورطك مع الصبايا
ابشري يالشيهانة فطورنا على ضفاف نهر السين بباريس



السين و الا الصاد ... المهم انكم رحتو فيهااااا و بسسسسسس

[السالمية نادية]

بسم الله عليها وعلى اذانيها ودمها

[الجوهره]

الشيهااانه :

شكراً جزيلاً لكِ .’,

بس لا تقولين لها تشب نار الحرب ,, ماابيها تاكلكم .’,

^_^

العفو عقاب لاشكر على واجب

من اصول التشجيع وبذات من الصبايا النشمياات الي مثلنا

لازم نشبها على التماسيح الي مثلكم

والنار ماتحرق الا رجل واطيها :s31:

[عقاب الروقي]

كلا أنا مُعارض !!!

مااافيه فطووور .’,

لين يفطر السريع والأصيلة بعدين تفطرووون .’,

لحد يكلمني بهالأمر مستحيل أوافق .’,

قرار نهائي لارجعةَ فيه .’,

^_&

[العطااا]

الليله غــــــزة....بجيبها هنــــا..

.
.
.
.

ياالمزيــين...

فطوركن اليوم حاشي مشوي بالنفود...وانا طباخته..

[عقاب الروقي]

تمساااح يمسطك بذيله .’, ههههههههه

ياسمكه ,,

هين تشبونها وتطيحون فيها .’, أنا داااري ""

إذاً فلتكُن الحرب ’.,

&_&

[السالمية نادية]

اغسل وجهك بالرحمن ياروقي

[السالمية نادية]

العطااا وينك الصف يزهم عليك

[الجوهره]

السين و الا الصاد ... المهم انكم رحتو فيهااااا و بسسسسسس

اقول خلينا نعزم معنا ابو يزيد معنا بلاش على نهر السين

خلها بقهوة الفوكيت بشانزلليزيه احلى يافوكيت ههههههههههههه

[محمد السريّع]

الليله غــــــزة....بجيبها هنــــا..

.
.
.
.

ياالمزيــين...

فطوركن اليوم حاشي مشوي بالنفود...وانا طباخته..





هههههههههههههههههههه العطا هو مشوي و الا مطبوخ


كفووو و الله شكلي ابي اخلي الصف هذاك مابه الا الجوووع ههههههههه

دام عندكم حاشي مشوي و مطبوخ ( نطبخه ثم نشويه )


الروقي شد حيلك و لا يغرّك الحتسي

[عقاب الروقي]

تراااني أمزح :

لحد يزعل علي :

ماسحه بالرحمن إن شاء الله يالسااالميه .’,

لا تكون زعلت الشيهانه .’, ههههههههه

خلاص مايمسطها بذيله يقرط فيها بسنونه ^_^

العطااا أطبخيه جزاك الله خير الأصيلة ماتحب تطبخ .’,

والسريع جوعااان وأنا بعد بسرعه يالله .’,

<<<< يحرق أعصاب الأعداء .’,

[العطااا]

صب القــهوة ...ياووورع...

>>>تتقهــوى..

[السالمية نادية]

ياليل مطووولك اقلطوا للعشى بعدين نكمل الخصم تراك معزوم لاحد يتأخر الصف كله

[محمد السريّع]

اقول خلينا نعزم معنا ابو يزيد معنا بلاش على نهر السين

خلها بقهوة الفوكيت بشانزلليزيه احلى يافوكيت ههههههههههههه


ياااااربي وش ذا الاغراءات و الله صرت اميل للصف العطا عندها حاشي مشوي و انت عند فوكيت

[كلك نظر]

اللة اللة صحت السنتكم

يا الشا عر



قصيدكم جزل

[الجوهره]

تمساااح يمسطك بذيله .’, ههههههههه

ياسمكه ,,

هين تشبونها وتطيحون فيها .’, أنا داااري ""

إذاً فلتكُن الحرب ’.,

&_&

الله يرج عدوك يايعقوب تمساح لمن يبلعك وسحليه تلدعك هههههههههه

كلامك يموت ضحك كمل بس بلاش نقلبها تريقه :x58:

[عقاب الروقي]

السريع :

لايضحكون عليك الأعداء .’,

ماعندهم الا الجوع ,, أنا بوديك بكره لافينوز وبالصيفيه للي تبي .’,

بس أمسك الصف هههههههههههههه

الشيهانه :

دووووم الضحكه إن شاء الله .’,

أنا أسمي الصبايا السمكات هههههههه أسوتاً بالتماسيح .’,

يالله ياااجماااعه أنا بروح أنام .’,

بكره إنكمل إن شاء الله .’,

خلاااص اليوم سكرنا .’,

ههههههههههههههههههههههه

لاهنتو كلكم يالمتابعين كلن بإسمه .’,

تحياتي لكم وصح لساااانك يالعطااا وبكره نكمل إن شاء الله .’,

شكر خاااص لصفي الموقر لاخلا ولا عدم .’,

[العطااا]

السرًيع..

يقول ابن ملافخ..

ان كان مانشرب الماء من يمانينا

يماني الغير ماتقضي لنا حاجه,,

^.*

[السالمية نادية]

مو وقت مزووووووووووح هذا هروب التفت لساحة المعركة ياروقي

[العطااا]

استــــــــلم..



في بلدكم مالكم ملك ولاشفنا قصور = غير صك أعسار .. والنار من شبابها

خل وقت ٍ فات وسط الدفينه ومعذور = تعشي الخطار .. والنار من شبابها

[كلك نظر]

هههههههههههههه


سروها

يا ولد روق البنت كنها سرتك


ابك انتبة

[محمد السريّع]

صب القــهوة ...ياووورع...

>>>تتقهــوى..


هههههههههههههههههههههههههههههههههههه العطاا عندك فن غريب لإدارة الدفه

[السالمية نادية]

يالسريع اللهم لاحسد بتنا ماشاالله عليها

[بنت الحمايل]

الله الله


صحتـ السنتـكم وعساكمـ ع القــوهـ

متــابـعـــه بشغـفـــ

وبصفــ ابن روق ...... :)

\

[السالمية نادية]

ياولد روق كثرة صفوفك الله يكفي العرب شرك بس العطا قدها

[الجوهره]

هلا وغلا يابو تركي

مابيه زعل ولا شي الشغله تشجيع ووناسه


صح لسانكم يالجزلين وبيض الله وجيهكم


امتعتونا بهالمحاوره الجميله الله يجزيكم كل خير


وتصبحون على خير

[الحلا]

ادعس يا عقاب


























ادعس

[العطااا]

:x43:

وانت من اهل الخير...يابوتركي..:flk3:

[السالمية نادية]

يالله سرينا يااخوي الروقي لاتعبت

مجمله ومشكورة يالعطا افحمتيه وغلبتيه

بكرة خير لاحد يغيب

[عقاب الروقي]

يسعد مساااكم جميعاً .’,

حياكم الله ,,

الله الله

أستلمي , يالشمريه ""


شيخكم برى البلد راح والدم أمهدور=ولا طلبتو ثار , والنار من شبابها
لا يغرك من يغششك في بعض السطور=الحمار أحمار , والنار من شبابها

[العطااا]

هلابك..ابو تركي..

الله يحييك..ويبقيك...

صح لسانك ... وبيض الله وجهك .. ومنك نستفيد..
والله يرحم أميرنا .. أمير الجميع ... والدم ماراااح ياعقاب ..
بس يمكن شيء .. واناأختك يخفاك ..

واســتلم..


مشكله ياصاحبي .. والبلا وسط النحور = عار وأكبر عار .. والنار من شبابها
والله إنك .. والبلا .. من دبور ليـــادبور = لو((مضاوي)) ,,,غار .. والنار من شبابها


.. والنهاية عندك..يابوتركي...
صح لسانك مقدماً...و بيض الله وحهك وماقصرت وأناااااشهد إنك جزل ...
وتصبحون على خير...

[عبدالرحمن الجبابرة]

الشاعر المميز : عقاب الروقي

الشاعرة المبدعة : العطااا


صحت ألسنتكم ملايين
والله يمتعكم بالصحة والعافية

بوركتما

[سعد المسعودي]

أستحق ختم التمييز .. وحفظ رابطه بمحفوظات محاورات الفلك ..
أحترامي