قلــ أجــوديه ـــب..

[العطااا]

ليتني لك أخت وأسند خافقـك مافارقـك =آآآآه من قهري وأنا بنتٍ لها قلب أجودي

وأسرقك من هم مر العمر وهمه سارقـك =وتبشر بعزك وأنا يمنـاك وأبشربسعـدي

وأطفي نارٍ أشعلوها وأطفي صبرٍ حارقك =وقتها بأخذ رماده كحل وأملـي مـرودي

وأضمك لقلب ٍ وفاه وطيب أصله عاشقك =إيه دام القلب قلبي وذا بساطـه أحمـدي

حتى انا لا سال حزني وإنجرح به خافقك =والله إني لأحرم أحداقي منامي ومرقـدي

وأقطع بقلبي عروقه لوأحسـه ضايقـك =ولو أحس إني سبب حزنك أبنفي مولدي

دون ماأحلف وإن حلفت بربي اللي خالقك =كنك أبن أمي وأبوي وكنك أحيان ولـدي

مالك إلا قلبي اللي باع ناسـه ورافقـك =يابعد قلـب ٍ وفـي ويابعدهـم وبعـدي

إيه يالغالي مادامه طيب ذكـرك سابقـك =واضح أصلك مثل ماتعرف الناس الجدي

وأوعدك أني أببقى لـك سنـد مافارقـك =كثر ماينبض غلاك في قلب بنت ٍ أجودي.