ثوب الشرف ..

[سعد المسعودي]

ياوجد روحي وجد من حكمه ألّد = ماله عن المكتوب لاجــاه صده
قالوا ثبوت أدلتك بصمة اليد = وصاحت رجاوي دمعته فوق خده
وقام يتلفت منفجع ماني بضد = وشلون ظلم الحبر يؤخذ بســـده
وقام يتذكر ضحكة اللي وراء الحد = غرير مزحه مافرق فيه جده
عمر الطفوله ياســـــــــــــعاده تنكد = وحلم الطموح اللي بنينا نهده
يوم الخميس بعالي الصوت ينعد = أقرب وعندي علم مجبورأعده
أنا خفيرك ثمّ تمتم ولارد =قال الوصيه.. قال غيري وبده
مقطوع من شجره ولاله بعد جد = لأن المصيبه سبقتني بجده
قال تطهر وأطلب اللي له المد = مفرج الكربات خلاق عبده
وقبل صلاة الفجرروح التهجد = يدعي مجيره مستبيح ٍ لوده
كبر وهلل وأغتشى دمعه الخد = والحال من عونه تخلت وشده
كسرت دموع اللي على وجدها وجد = أظلم سواد الليل يابيض غده
ونهايته قبل النهايه تشهد = وقافيه سيف ٍ ذايق الموت حده
وفي لحظة ٍ للسيف خاضع ومقعد = صوت الفرج مظلوم لا ..لاتمده
دم الفرج في لحظة الحزن يسعد = ودمع الفرح يضحك على الخد جده
حكم القدر يضحك مساء وإن بكاء غد = عناد سنه فالمساء الصبح عنده
صبري على الأيام ياعطرها ند = ثوبك شرف يالابس الثوب قده
مايسبقك وراد جمه عن العد = يروي ظماك وساقي الدم عده
مافات مات وجيت لك بايح السد =وجزر البحر مايعتلي فوق مده .






الحرالأشقر