الســـاعة .....

[سعد المسعودي]

... متواضعة .. ...


الله خلقني على عز وعلى طاعه = علام سـر الخلايق وحده الراعي
قناعتي كنزنفسي غاية طماعه = غناة نفسي وعرف لفكري الـواعي
ياجامع أنصاف وقتك كسر أرباعه = زلـة قدم مدخلك من غير مطلاعي
قطف الثمر من يدينك غرس زراعه = مااثمرت ياكف زرع ٍ صرت قلاعي
جويد حبل الوصل .. ياكف قطاعه = وحنك الزمن كاسره لعيون فزاعي
أصخيت روح ٍ قدمها دون مرجاعه = يارد ولاهاب دونه سيف بتاعي
يارأس مالي سنود إن دقت الساعه = كرامتي ساسها ماهو تصناعي
الرجل ماهي وراء المقفين تباعه = ماتاهت دروبها عن درب الأسناعي
ياهيه بالعين لد وبالنظر راعه = وأعرف ترى فالشمل فرق وتجماعي
الرجل مايشتكي لو الزمن لاعه = والسر مابيحه عن كشف الأوجاعي
كلا ً على منزلـــه ويشمر ذراعه = أحد تعلا وأحد حول على القاعي
ليامتى والعمر يقضي تمتاعه = ومافات ماهوب راجع فالزمن ضاعي
أرخصت مكيال عمري عن وفاء صاعه = وأخذت كف الثمن من غرس زراعي
ودارت مقادير روح (ن) منك نزاعه = وكن الخفاء ينهشه سرحان لاجاعي
أيامنا سرها يكشف لنا قناعه = وأصحى خفوق ٍ يغيب وفاق مرتاعي
ارخيت موجة محطاتك ومذياعه = وبالصوت ذهنك تناقلها للأسماعي
العشق ماهوب حرفة قلب وصناعه = غرسة ثمر يستظل بحدب الأضلاعي
اللي تغلب على طبعه تطباعه = وأخذ مفاهيم غيره طق الاصباعي
من علقم المر ذوقني تجراعه = غفلة شجاع ٍ ثمنها جرح ملتــــاعي
ماني ربيع القلوب وصيف مرباعه = ولاهوب معطي .. لخير الله ومناعي
طعنت كون الظلام لعينك إشعاعه = وأشتلت كسرك وأنا مانيب جزاعي
موتي معزه ولا رجوى تشفاعه = أموت شامخ ولاأحد ٍ يلوي ذراعي
يابحر مركب غرامك طاوي شراعه = وختامها نذر موتي دون مرجاعي
الحرالأشقر