... المصيبه ...

[سعد المسعودي]

*
**

من عبر .. مقابر أنفاس النصوص ..
لجنة العفوا .. بمعاقل إدراج المحفوظات ..
تصدر قرار عفوا ..مضمونه أطلاق سراح ( نص المصيبه )المتواضع .. ليرى النور متشرفاً بمصافحة قلوبكم الطهر ..
وكل الأمل .. في ولــو القليل من نيل أستحسانكم ...

................

بحر الهوى مايسبحه كل سباح = وكم واحدٍ في عالي الموج زاحه
يامن دخلت بعالمي وأنت مرتاح = وأنت الشقاء للروح مامنك راحه
وجه الحقيقه ليل .. والصبح فضاح = وش عاد ينفع كشفها وأتضاحه
أثر النوايا من وراء سنه سلاح = وأنا ضياعي في أيديه أستباحه
رمح الغدر مسنون والجيش مجتاح = وقدمت له روحي بود وسماحه
عكست في عين الحزن دمع الأفراح =وهدمت حلم ٍ كان يسهل نجاحه
كان الغياب لروح مغليك ذباح = والعين تسهر من مساه لصباحه
أكبر مصيبه غافل الصبر لاصاح = مرهون قلّي كيف يطلق صراحه
طعنة غدرمنها أزرق الدمع لافاح = قدر ٍ على مركاب ناره وفاحه
وموت المشاعر فيك وذنوب الأرواح = اللي بغير شعور قلب وفصاحه
هذا حصاد أعمار من جني الأرباح = ومره يسدك عن موارد قراحه
الباب شرع والقفل دون مفتاح = أسياج سوره لاعبنه رياحه
خذها صريحه كلمة ٍ جتك ياصاح = ماعاش قلب ٍ مايطيع النصاحه
لوشلت هماً فالزمن كان ينزاح = لكن أشوف الموت للعمر راحه

الحرالأشقر