الميت الحاضر

[السالمية نادية]

يفج الحبر في سطري حكاياتـي وحلـم اعـداي=ويبث النار بحروفن لهبها مـن نفـس محـروم
لك الله ياولد حسي ياخالق حزن صـوت النـاي=تصّفع وجه كراسـي ويكفـخ بالجنـاح النـوم
من اسوار العيون ايطير لاخر سكتـي ممشـاي=هجع ليل السما وليلي سهيرن في كفوف اللـوم
ومثلي ياعرب يعذر حنايـا عـوج مـن بلـواي=يصفنّي على ميت رحل مـن حرقتـه مرحـوم
وصلينا على قلبـي صلاتـن عمرهـا رجـواي=تحدر ساجدن دمعي وصلى من وجـع مقسـوم
صلاة الميت الحاضر واشوفه ملتحـف بخطـاي=بظامي احساس كفنته وعرقي بالشقـا موسـوم
ادور في ظلام الليـل انـا قبـرن يلـم احشـاي=ودور في خشوع الشمع دمع الراضي المظلـوم
وزفرات الرحيل اللـي تولّـد فالمـدى شكـواي=ليا مني حفرت القبـر ارختلـي سماهـا غيـوم
عزاي اني على قبره اشوف الصبر جاب رضـاي=وعزاي اني على موته قدرت اضحك وانا المهزوم