الغياب

[السالمية نادية]

يامسافرن يركـب متـون السحابـة =ويم الهجـر سايـر ينـوخ ركوبـه
نبض القلم ياكل مـن الصـدر نابـه =واقرا الحزن في عرق وجه وشحوبه
هل ياتـرى ترجـي بغيابـك ثوابه =يامرتدي ثـوب السـراب فغروبـه
يامـن تـرك لصبـح ريحـة ثيابـه =واتقاسموا شمه وريحة دروبه
الليـل وايـا الشعـر مبسـم كتابـه =أما أنا تـارك لـي نـارن شبوبـه
والعين ويـل العيـن سيـل خطابـه =اللي على الخدين يفـرض وجوبـه
قلت الستر والدمـع يهتـك حجابـه =حتـى درى بالهـم جاهـل غيوبـه
يامن ظلـم أهـل الحجـاز بغيابـه =تزلزلـت بالحـرف نقطـة وثوبـه
وكلمة حجاز حجار صـارت كأبـه =شف غيبتك تنزع من الحرف ثوبـه
وش حال من جاك امتعنـي عتابـه =ويم الوصـل دايـم ينـوخ ركوبـه