زمان مناحي ومدحت وطاش مكمل الباقي

[شباب السبيعي]

(جديدي برمضان)

في شهر الرحمه والغفران نرجي رب خلاقي=ولكن بالبشر شيطان عين الخير معميها
زمان مناحي ومدحت وطاش مكمل الباقي=مشقلب حال هالدنيا وسافلها بعواليها
وباب الحاره وحروف والوف وجعلها افراقي=غسل كل العقول اليوم والخذلان كاسيها
لاتنسى مسلسلات ٍ للحليمه تلهب اشواقي=مانجني من وراها خير عكس الخير نجنيها
مسلسل للعوانس سيتي مرضي شين الاذواقي=شرور وحرب ضد اعقولنا تقصف موانيها
وسيع الفكر بعقول البشر هاليوم منضاقي=عقول ٍ ناقصه بالحيل زود الضحك منهيها
فضائيات تغزونا بوسط البيت باطباقي=نجيب الشر لانفسنا وبالغالي ونشريها
عصب ماضينا بالحاضر تفتق صابه افتاقي=مجرد ذكرى واندثرت وحاضرنا يداريها
نسينا ماضي اجداد ٍ قديم ٍ طيب اعراقي=نسينا عزة انفوس ٍ ماتنسى مبطي باريها
جميع الوضع مدهور ونحسب وضعنا راقي=خطا فهم الحضاره عندنا لازم نجاريها
ماناخذ زينها واللي ردي نحرقبه احراقي=تلامع قدمنا تغري وكل الشر واليها
حسافه ياشباب الغد سير المجد منعاقي=حسافه انفوسكم صدت عن الخالق ومنشيها
وسلامتكم