بمناسبة : سلامة صاحب السمو الملكي الامير محمد بن نايف حفظه الله

[شباب السبيعي]

هذا مانزفه قلمي فرحاً بسلامة سيدي الامير محمد بن نايف حفظه الله

لعلها ان تنال اعجابكم



ماجور يابو نايف اليوم ماجور=نجاك رب الكون من كيد مطلوب
الحمد لك ربي وشكراً ومشكور=بامرك نجا مولاي من شر ملعوب
جعلك يابو نايف بدنياك مسرور=وتبقى ذخر ياسيدي لشعب واشعوب
يحفظك خالق هالسما خالق الطور=من كل شر وجعل سعداك مكتوب
سلامتك عيد(ن)ونحفلبها ادهور=غالي علينا غالي(ن)دوم محبوب
ياسيدي حنالك ادروع واجسور=انفوسنا تفداك في سلم وحروب
إنا عيالك وامر وناتي اصقور=لامرك نفز اجموع من حدب(ن) وصوب
يخسى جميع ارهاب هاليوم مدحور=الله يبيد اهله ويجعله منكوب
مانقبله ونحط من دونه السور=ماله مكان(ن) بالوطن ماله ادروب
اخوان نوره هم دوا كل مغرور=لطامة الفتنه وفي ايدهم اتذوب
من لاذ فيهم ناجي اليوم منصور=ومن ذاق سطوتهم عن اهباله ايتوب
انتم هل الحكمه وانتم هل الشور=وانتم هل العوجا ومقدار مهيوب
انتم سراج الشعب وانتم له النور=تاج(ن) على راسي ولاغيره اينوب
وهذي حروفي تاصلك مابها الزور=اتشيل فرح الصدر تنضمه باسلوب


وسلامتكم

بقلم : شباب بن قاعد بن هليمه السبيعي

7/9/1430هـ