خلاص انهيت ماعندي وهذي اخر الابيات

[شباب السبيعي]

نزف قلمي اتمنى ان تنال اعجابكم
بقلم : شباب السبيعي


من ادموعي ذرف حبر القلم ودموعه الكلمات=يعبي صفحة الاحزان يشكي حالي المُزري!
بداية دمعته في صفحة الاحزان بالاهات=وفي جوف الورق زاد البكا وسيولها تجري!
هموم الوقت تسكني ومن حزن الهموم أقتات=تغيبني عن الواقع واصير بواقعي عبري!
يادنيا ارجوك يكفيني شبع جوفي من الونات=على فرقا حبيب(ن) راح ووسومه على صدري!
قضيت الوقت من بعده وانا عايش مع السجات=اسج بعالمن ثاني وليل الهم بي يسري!
قتل حزني جميع افراح عشتبها وفرحي مات=ملكني جيش للاحزان وافنا جيش من صبري!
اخذت الحزن ماخليت للعشاق غير إفتات=غني الحزن انا هاليوم لحظة فرٌح مايشري!
وش اللي يعذر الاحزان لامن زادت الشرهات=من اقصى الجوف ياحزني ولالك داخلي عذري!
متى نلقى بعض ونعيش في خير اللقا اوقات=متى يقتل لقانا الحزن ولأفراحنا يغري!
خلاص انهيت ماعندي وهذي اخر الابيات=عسى تاصلٌه احروفي لاجل في حالتي يدري!

وسلامتكم