(صوت وصدى) بين فهد العجمي والحرالأشقر

[سعد المسعودي]

.
..
,
...... لأخفيكم بما توشحته كوسام تتويج شرفي
.. حينما أستقبلت من الشاعر الجزل : فهد بن حجاب بن عميان العجمي .
. رسالة تتنفس بصورة نصيه .. شرفني من خلال نزفها شرف الله مقامه ورفع قدر مكانته ..
... ومن هنا .. أشكره جزيل أيات الشكر .. كما أتلمس صادق العذر .. من سمو شخصه السامي
.. على بساطة نصي المتواضع .. و
يعلم كل هذا أرجعه لعدم إيجاد الوقت الكافي لمانحن به من أيام جميله ..
كذلك أنشغالات أخرى ضروريه ..
لذلك أتمنى قبول الأعتذار وأكرر له قوافل شكري .
()
[]
{}
... نص الشاعر : فهد العجمي .. ( كصوت ) .. فالـف صح لسانه وبيض الله وجه ..


يامرحبـا وأزيـد ترحيـب وأضـيـف=بالنـادر اللـي فيـه طيـب وشهـامـه
نـادر حـرار ٍ ماكـره فـوق ومنيـف=فـوق الشواهيـق الـطـوال الأقـامـه
صيده من الجزلات ماجاتـك اضعيـف=اللـي تقـود الصيـد بـأول سهـامـه
له صايد ٍ عطب المضاريـب كالسيـف=ومناشـه الصـايـد بعـيـد السـلامـه
(الحر الأشقـر) مايبـي زود توصيـف=بانت أوصـوف الحـر بـاول فطامـه
ولاهو من اللي يحمـل الكبـر والزيـف=الطيـب كلـه نايـل أعلـى وسـامـه
يامكـرم ٍ جـاره ويامكـرم الضـيـف=بالحـيـل ولا ماتـطـاول سـنـامـه
كسبت اليوم أعلـى مكاسـب وتشريـف=أبمعرفـة سـعـد كسـبـت العـلامـه
مابين . بون . وكان . وباريس . وجنيف=أقبـل سـلام أخـوك وأقبـل كـلامـه
وسلم على أهل الجزل من دون تعريـف=على جميـع أعضـاءه ماخـص عامـه


الشاعر / فهد العجمي ...
()
[]
{}
... وفيما يلي نصي ( كصدى ) أقل من متواضع ..




عد السحاب اللـي تراكـم مقانيـف=مزن ٍ تكاشـح شـق برقـه ظلامـه
وأعداد ماترسي البواخر على السيف=دام البقـاء منـي لـيـوم القيـامـه
عديت ياأبن حجاب رووس المشاريف=ومال الزعيـم إلاّ شـداد الزعامـه
ينساق لك فنجال بن ٍ علـى الكيـف=قدر اللحاء فنجـال طيـب وكرامـه
من ساس يام الفعل وأهل المواقيـف=والمحترم واجـب علينـا أحترامـه
ياملحلقاً رووس المراجـل معاريـف=وافي مع أهل الطيب عالـي مقامـه
تقلط على فعلـه كفـوف العواريـف=ولايلحـق المقفـي لياقفـى ملامـه
شيال حمل اللـي حمولـه مراديـف=تخف مـن ثقلـه بعـزم وصرامـه
شاعر بحر ماصفف الهرج تصفيـف=ينقد ذهـب ويعادلـه فـي جرامـه
ياأهل الجزل كلفت أنا ألكم بتكليـف=وصية أبن حجـاب ياأهـل الفخامـه
سلام يااهل الجزل من دون تحريـف=ماخص عـم المنتـدى فـي ختامـه
يالله ياجامـع قـلـوب الموالـيـف=يامبينـاً درب الـحـلال وحـرامـه
إنك تحفظه من جميـع الصواديـف=ويعوّد أبن حجـاب مرفـوع هامـه



الحرالأشقر