اصبحت في جوفي شجاع(ن) هماما

[شباب السبيعي]

السلام عليكم ورحمة الله

اتيت للتواصل بعد غياب لظروف العمل التي قريبا ان شاء الله تنتهي

واقبلوها مني كما هي لعلها ان تنال اعجابكم



ياشوق انا برتاح ماعاد بي حيل=والله تعبت اليوم والله حراما
كل ماهدا وضعي تجيني كما السيل=تنده حنين(ن) داخل الجوف ناما
توالت همومي وركبت على الخيل=تسابق افراحي وترمي سهاما
اسلي الخاطر ولاجاني الليل=أعرش همومي مثل عرش العظاما
جامع هموم اشكال وانواع تشكيل=مثل الشجر في جوف قلبي تماما
اعاندك ياهم وتكيللي كيل=اصبحت في جوفي شجاع(ن) هماما
صبرت صبر ايوب فالعوج والميل=ماني بنوح بصوت زايد ملاما
ماني بردي(ن) ناقص(ن) ماني خبيل=ارضخ لشوقي واعلن الأنهزاما
ماتبع سراب الشوق لو ريحته هيل=لو كان همي مثل سود الغماما
ماشكي لغير اللي رفع نجمة اسهيل=اللي ومرنا نصوم شهر الصياما
هو الذي بامره يشيل العنا شيل=محيي رميم العظم عقب العداما
حسبي على حب(ن) يوردني الويل=حسبي على حب(ن) يجيب السقاما

وسلامتكم

<<<<<<<<<<<<

......