بحة سقيمة

[السالمية نادية]

"أنا أريد البوح
والقلم :رغم غليان الحبر في عرقه إلا أنه للبوح رافض
السطر :يتعذر عن القلم بأعذار شتى
فلذت بالليل أرتجي منه الصباح
فبعض الخلاف لايقطعه إلا السعي على الفلاح "



ذنب الكتابة له أصول وشعاير =تفرض على بيض الحروف النميمة
وناب القلم في كبد الاوراق غاير =لاطش من ثغر الحكاوي ظليمة
ولا برد في عوده الحبر فاير=حتى السطر فزعته صارت وخيمة
يسألني بالله لاأهل العباير =الستر شرعه للمواجع حشيمة
لان المواجع بنت ناس وعشاير =ترخي على متن الرجال الهزيمة
ولان الفرح بالحزن عمَ البشاير =ماللحكي في سطوة الجرح قيمة
ودام الصبر عاجز يثبَت جباير =لاانشد الونة وراها عقيمة
يالليل ترسمني رسوم الدواير =على سطح بركة بموية قديمة
هموم تسقيني صنوف العزاير=تولجتني هالهموم اللئيمة
عن صدر صبحي تكفى فك الزراير=شمسه عسى تنشر جدايل عظيمة
على متن ماقيل مكتوب صاير=يرضخ لها فالناس خصم وخصيمة
وارخي على باب الحديث الستاير =وانسى القلم والحبر آداة الجريمة
واغض طرفي عن جميع الخساير =مل العتب ضجيج بحة سقيمة
جرحي غدى في سكرة الفكر حاير =ضايع كما طفلة تسمى يتيمة ..