بعض اللقطات من التغطية المصوره أحتفالية تكريم د/ فهاد السهلي ..ومشاركات الحرالأشقر..

[سعد المسعودي]

بعض اللقطات من التغطية المصوره أحتفالية تكريم د/ فهاد السهلي ..ومشاركات الحرالأشقر..
بالكرنفال .. وتسليم درع أسرة الفلك الرسمي بالأصالة والنيابه ..

{}{}{}{}{}{}{}{}{}{}{}{}


في ليلة الشموخ بل هي الشموخ بكل وصفه .. وفي ليلة الوفاء .. في ليلة التكريم ..

عندما اجتمع ابناء هذا الصرح من كافة مناطق المملكة العربية السعودية ودولة الكويت متوشحين وشاح العز والفخر ..

عندما قاموا بالتكريم والشكر في ليلة اطلق عليها الجميع ليلة الوفاء ..


وفي إحتفالية كبرى تحت رعاية الشيخ تركي بن خزيم بن لحيان وبحضور عدد من اصحاب الفضيلة والمعالي ووجهاء القبيلة وعدد كبير جداً من اعضاء المجالس والضيوف أحتفل ابناء شبكة ومجالس قبيلة السهول الموقع الرسمي لقبيلة السهول بالمشرف العام لشبكة مجالس قبيلة السهول سعادة الدكتور فهاد السهلي بمناسبة حصوله على شهادة الدكتوراة وتقديراً لجهوده في خدمة هذا الصرح وتاريخه وفي ليلة سوف تبقى راسخة في ذهن كل من حضر .. عندما قام الاوفياء بتكريم هذا الوفي .. الذي بذل سنوات حياته من اجلنا ومن اجل تاريخ قبيلتنا .. وقام بتدوينه والبحث فيه وإصدار المؤلفات والمنافحة بهذا التاريخ .. وماكان من الله الا ان اكرمه بحب ابناء القبيلة له ..


ونتذكر هنا ماقاله الشاعر حمد الخبيش امام الجميع عندما اعتلى المنبر وقال قصيدة ومنها الابيات التالية :

وهذي المجالس لها فضلٍ ولا هو قليل ...
..........بين المواقع مثل ذيبٍ برجــــمه عوى
واليا سألٍ عاذل يقول ويش الحصيل ...
..........عنكم ابعطيه اجــــــابه ثم ازيد الكوى
الليلة هذي قدم عينه واكبر دليل ...
...........من فضل ربي جمعنا واجتمعنا سوى



{}{}{}{}{}{}{}{}{}{}{}{}{}{}{}{}{}{}{}{}{}{}


http://www.suhol.com/upload//uploads/images/suhol-1e2d3bdc10.jpg
راعي الحفل الشيخ / تركي بن خزيم بن لحيان


{}{}{}{}{}{}{}{}{}{}{}{}{}{}{}{}{}{}{}{}{}{}


http://www.suhol.com/upload//uploads/images/suhol-be3193a1b5.jpg (http://www.suhol.com/upload//uploads/images/suhol-be3193a1b5.jpg)

من اليمين الشيخ / خزيم بن مناحي بن دعسان والشيخ / احمد بن عبدالرحمن العوين والشيخ / عبدالله بن محمد بن عفير




{}{}{}{}{}{}{}{}{}{}{}{}{}{}{}{}{}{}{}{}{}{}


http://www.suhol.com/upload//uploads/images/suhol-d5d10e98f3.jpg

عضو المجالس: الشاعر / سعد بن نايف المسعودي العتيبي وعضو المجالس : الشاعر/ حسن بن محمد العمري

{}{}{}{}{}{}{}{}{}{}{}{}{}{}{}{}{}{}{}{}{}{}


http://www.suhol.com/upload//uploads/images/suhol-e2a458b427.jpg

جانب من الحضورالرسمي بالصالـــة .. ويبقى حشد الجمهور الغفير .. يتابع الكرنفال عن طريق الشاشات .. بصالة جمهور ..

{}{}{}{}{}{}{}{}{}{}{}{}{}{}{}{}{}{}{}{}{}{}



http://www.suhol.com/upload//uploads/images/suhol-52e2fdcb10.jpg (http://www.suhol.com/upload//uploads/images/suhol-52e2fdcb10.jpg)
قصيدة منبرية لعضو المجالس الشاعر / سعد المسعودي العتيبي < الحر الاشقر >



..... بن هملان ..


..

.





{}
{}
{}


سر ياقلم وأكتب على الطرس تسطير = بإسم يشرفني وأشرف جنابه
سلام يشمل جمعكم يالمناعير = ياأهل الوفاء واللي لفاكم هلابه
للطيب ياأهل الطيب نقدم طوابير = و ماهي غريبه .. لونغيب الغرابه
نوماس عرفي للنشامى وتقدير = أهل الفكر وأهل الأدب والخطابه
عنكم ياأبن هملان مالي معاذير = لبيه وأبشر لادعيت الإجابه
نوفي وعدكم يالسيوف البواتير = والسيف تعرف قوته من نصابه
بنات نبض الشعر وسم المباكير = في لوحة الإبداع وجه السحابه
در الفرايد نادرات التصاوير = بإسمي .. وعن كل الفلك بالنيابه
العلم نور.. العلم نهظه وتطوير = ودرب العلا يستاهله من رقابه
أسمك قريته يابعيد المداوير = نعمين .. لبى الأسم يامرحبابه
ماني لحالي قد قروك .. الجماهير = أسم ٍ سماء بالعز قدر ومهابه
قريت أنا أسم(ن) بين كل المشاهير = فهاد بن هملان ماهو تشابه
مصدق ٍ تصديق ماهوب تزوير = شفته وحرف الدال مبدأ الكتابه
لوحة شرف ماسجلت سالم الزير = لوحة شرف زادت شرف بإنتسابه
زيزوم مايحسب حساب المخاسير = عزام حيل المرجله ماأرتخابه
مشرع ٍ بابه بوجه المسايير = ربى على سلم ٍ لجده نشابه
يصخي على الماجوب دفع الدنانير = في مجلس ٍ للضيف كله رحابه
وإذا ان تكريمه تمييز عن الغير = واجب علينا الكفوا نؤفي حسابه
يالله عساكم في زمنّا مذاخير = ذخراً لكل أصحابكم والقرابه
من شاعرٍ لاقال قطفه نواوير =حر ٍ وفيّ القول لامن حكابه
يقفي عن المقفي زبون المناحير = يارد على جم (ن) عذي ٍ شرابه
أقولها وأن كان فالقول تقصير =العذر فالمكتوب واللي قرابه
والله يجنبنا صدوف المقادير = وبالأخرة رحمه لنا من عذابه


أخوكم الدائم وللأبد / سعد بن نايف المسعودي
..... الحرالأشقر


{}
{}
{}




..


.


{}{}{}{}{}{}{}{}{}{}{}{}{}{}{}{}{}{}{}{}{}{}





http://www.suhol.com/upload//uploads/images/suhol-8d71e6ff7b.jpg



تكريم الشاعر عضو المجالس الرائع سعد المسعودي العتيبي < الحر الأشقر >




{}{}{}{}{}{}{}{}{}{}{}{}{}{}{}{}{}{}{}{}{}{}




..... الدرع الرسمي لمنتديات شبكة الفلك الثقافيه ...

تم تسليمه من قبلي ... بالأصالــة والنيابه ..عن

إدارة وأسرة منتديات شبكة الفلك الثقافيه ....







http://www.suhol.com/upload//uploads/images/suhol-1e5f78b871.jpg

هدية مقدمة من الاوفياء موقع شبكة الفلك الادبية يسلمها الشاعر / سعد المسعودي

{} من اليمين راعي الحفل الشيخ : تركي بن خزيم بن لحيان .. {} الحرالأشقر{} الدكتور : فهاد بن سعد السهلي ...{}








{}{}{}{}{}{}{}{}{}{}{}{}{}{}{}{}{}{}{}{}{}{}




http://www.suhol.com/upload//uploads/images/suhol-19c50d2db1.jpg

الأمسية الشعرية التي أقيمت بعد تناول وجبة العشاء مباشره ..

من اليمين الشاعر خالد بن غنام والشاعر حسن العمري والشاعر سعود بن محمد البرازي وعريف الامسية الشاعر سعد بن تويم والشاعر فهد بن بداح بن سعدي والشاعر راشد بن حمد والشاعر سعد المسعودي

بعد ذلك اعلن عريف الامسية الاستاذ سعد بن تويم نهاية الامسية .. معلناً نهاية الحفل وشكر الجميع على حضورهم في ليلة الوفاء والتكريم ..










{}{}{}{}{}{}{}{}{}{}{}{}{}{}{}{}{}{}{}{}{}{}




http://www.suhol.com/upload//uploads/images/suhol-a30a35433a.jpg (http://www.suhol.com/upload//uploads/images/suhol-a30a35433a.jpg)

المحتفى به الدكتور / فهاد بن سعد الهملان السهلي






{}{}{}{}{}{}{}{}{}{}{}{}{}{}{}{}{}{}{}{}{}{}




http://www.suhol.com/upload//uploads/images/suhol-dada6836ff.jpg



صورة جماعية تذكارية لـ اعضاء مجالس قبيلة السهول بعد انتهاء الحفل







{}{}{}{}{}{}{}{}{}{}{}{}{}{}{}{}{}{}{}{}{}{}



مشاهدات من ارض الحفل :



1- حضور مميز وكثيف وإمتلاء القاعة بالكامل



2- تم توفير شاشة عرض بلازما ومضخمات صوت ذات قوة جبارة خارجية في الساحة المقابلة للقاعة وبث كافة الحفل مباشرة صوت وصورة ونقل اجواء مايحدث في القاعة الى الخارج وكان هناك عدد كبير اداريي ومشرفي واعضاء هذا الصرح يتابعون الحفل من خلال شاشة العرض



3- العمل الجماعي كان ابرز سمات هذه الليلة بين الجميع .. وكان التوفيق من عند الله



ختاماً ...




نشكر كافة الحضور وكافة شركاء النجاح ونتمنى ان تحوز التغطية على اعجابكم ورضاكم ..



شكر خاص لكافة منظمي الحفل الذين بذلوا الكثير والكثير ويستحق المحتفى به ذلك وهم من يقف وراء نجاح الحفل والمجالس




.....................




{}{}{}{}{}{}{}{}{}{}{}{}{}{}{}{}{}{}{}{}{}{}



شكر خاص



لكافة الشعراء الذين تفاعلوا مع الحدث وتواصلوا مع الادارة رغبة في المشاركة في ليلة الوفاء وهذه هي عادة الكبار .






ونتمنى لدكتورنا الغالي فهاد السهلي كل توفيق وسداد .. هذا ونحمد الله على نجاح الحفل بشكل باهر ومازالت الاصداء التي تصلنا محل فخر واعتزاز ..






والله يحفظكم ويرعاكم ..




{}{}{}{}{}{}{}{}{}{}{}{}{}{}{}{}{}{}{}{}{}{}



ملاحظه :




وبخصوص الاخوان الحضور اللي يسألون عن تسجيل الفيديو للحفل راح نوفره قريباً ان شاء الله




وللجميع كل الأحترام

[سعد الشقحاء]

بيض الله وجهك يالحر الاشقر
وعزالله انك كفيت وفيت
لا هنت يا ذيب

[المرحوم :منصورالعتيبي]

بيض الله وجهك يالعتيبي

والله انك كفو وترفع رأس ربعك بأفعالك

وفعلاً اسم على مسمى ولا تصيد الا السمين

تحياتي

[بندر النايف]

ينطيك العافيه يا سعد


وحفل طيب

وألف مبروك للدكتور ...

[المـ ؛؛؛ ــافر]

يعطيك ربي الصحة والعافية ابو يزيد


وما قصرت .. وبيض الله وجهك


على حضورك المشرف .


و نشكرك جزيل الشكر على جهدك وتعبك .


ونبارك د/ فهاد السهلي .. ونتمنا له التوفيق الدائم.



شكري وتقديري لك

[العطااا]

الله يعطيهم الصحه والعافيه..
والف مبروك للدكتور: فهاد السهلي..
ومنها للأعلى..
وبيض الله وجهك يابويزيد...انك تقود الوجه يااخوي..
وتشرف كل مكان تتواجد بوه..
وعسى الافراح عامره بديارنا وديارهم..
لاخلا ولاعدم...

[حمد العيد]

العزيز والغالي/ الحر الاشقر

بيض الله وجهك يابو يزيد عز الله انك ما قصرت وبصراحه مثل هذه الفعاليات تثلج الصدر

الى الامام ايها الفلكيوووون

مودتي

حمد العيد

[مزيونة الرياض]

كفوا ياشاعرنا


طالع شمعت الجلاس >>> :x137:


صح لسانك والتوفيق شانك يابويزيد

ومبروك للدكتور ويستاهلون ربعه الخير


المزيونه

[جبل ابو زيد]

در الفرايـد نـادرات التصـاويـر
***********بإسمي .. وعن كل الفلـك بالنيابـه

كفووووووووووووو يابو يزيد بيض الله وجهك والله إن علومك تنومس وتشرف يابو يزيد
ج ب ل ا ب و ز ي د

[عذبة الروح]

يعطيك العافية /سعد المسعودي

تغطية رائعة عن الحفل

ويجب ان تكون رائعة بحضورك اخي ابو يزيد

ومشكور

تحيتي

[ملكة الورد]

السلام عليكم ورحمة الله وبركاته

تغطية راائعه

بيض الله ويهك بويزيد

يعطيك العافية ع الامسية الجميلة

[سعد المسعودي]

القصائد المنبرية التي قيلت في حفل تكريم الدكتور فهاد السهلي



السلام عليكم ورحمة الله وبركاته
في يوم الجمعه بتاريخ 27/10/1430هـ . اقيم حفل تكريم من يستحق الوفا والتكريم
اقيم حفل الوفا لرجل الوفا ..ويحق لنا أن نفتخر بأن يكون هذا الرجل الذي خدم القبيلة
هو المشرف العام على شبكة مجالس قبيلة السهول ونسابتها الدكتور فهاد السهلي
وبحضور الشيخ / تركي بن خزيم بن لحيان وعدد من وجهاء القبيلة والشيوخ وجمع غفير
اكتضت بها قاعة المليون للمناسبات .. من داخل القاعة وخارجها

http://www.suhol.com/upload//uploads/images/suhol-29109b58a5.jpg (http://www.suhol.com/upload//uploads/images/suhol-29109b58a5.jpg)

اقيمت عدد من القصائد المنبرية .. وكما عودتكم المجالس بتغطياتها الرائعة
اليوم نعرض لكم القصائد ... وفالقريب العاجل سنطرحها صوتية

http://www.suhol.com/upload//uploads/images/suhol-90c8dcf096.jpg (http://www.suhol.com/upload//uploads/images/suhol-90c8dcf096.jpg)
وما أن بدات فقرة القصائد .. افتتح القصائد الشاعر الكبير/ راشد بن حمد ال حمد السهلي

القصيد يزين لا جات مواجيبة = والعزم راعية يشرب من الجمه
يستحق الطيب فهاد من طيبة = كل علمٍ طيّب ٍ جاك من يمه
عاش من في ساحة العلم اماريبة= رافعٍ راسه ونامس بني عمه
سيفنا اللي معجبتنا مضاريبة= سرنا واللي حقد مات في غمه
الوفا والطيب فهاد راقيبة= مقتنع ياكود في عالي القمه
من بني عمي هل المجد والهيبة= للرفيق حزام ولآ العدو سمه
ترفع البيضا بعالي مراقيبة= للذي شمل القبيلة يبي لمه


http://www.suhol.com/upload//uploads/images/suhol-916b89b6ef.jpg (http://www.suhol.com/upload//uploads/images/suhol-916b89b6ef.jpg)
ثم الشاعر المعروف والمبدع دائمآ في سما الشعر .. وشاعر الملاحم الشاعر خالد بن غنام

شرد الجزلات تفرض نفسهـا الطماحـة=ولاتعاشق غيـر مـن بفعولـه يتيمهـا
للوفـا واهـل الوفـا طماحـة لمـاحـة=ولاتلد العين ف ضعوف العرب ورممهـا
الضعوف اللـي تـدور مدحـة المداحـة=وفعلها يرجـع بهـا والهـرج ماقدمهـا
المديح لمن ثبت مثل الجبل في الساحـة=قمته فـوق الجبـال الشامخـة وقممهـا
مثـل فهـاد بوفـاه ووقفتـه وكفاحـه=يـوم دون للقبيلـة مجدهـا وشيمـهـا
راسـي عقلـه ولكـن همتـه جماحـة=ماقنع فيما جمـع دون السمـا وانجمهـا
ازدهر علم النسب به واشتعل مصباحـه=ومعجمه في المكتبـات يفـوق معاجمهـا
خلد التاريخ ثم اظهـر حجـج شراحـه=وان فهمها القرم جعل اللاش مايفهمهـا
واخرس افواه ماهيب من الحسد في راحة=والحقايق تكتـم انفـاس الـذي يكتمهـا
والحقايـق شمسهـا وضاحـة فضاحـة=يوم تمـلا الخافقيـن وينجلـي مظلمهـا
لابتي تاج الزمـان ومحزمـه ووشاحـه=ماضي الدنيا وحاضرهـا وفـي قادمهـا
من عصور الجاهلية في العـدا سفاحـة=لااشتعل للحرب نـار يحتطـم جاحمهـا
وفي ذراهم للضيوف من المكارم واحـة=لوتشح الارض بالمـا والسمـا تحرمهـا
انشد التاريخ واهل الشعـر والفصاحـة=حظنا يرقـى سنـود ونارنـا نشعمهـا
كل عصر نحتزم لـه ونغـزي بسلاحـه=ندحم بجنـب متيـن النـاس ونزاحمهـا
وقيمة الرجال في علمـه وفـي نجاحـه=والجهل ينسف عروش المجد ويهدمهـا
جيت اباشارك وابارك والخطوط متاحـة=ويستحـق الوافيـة فـهـاد ويقدمـهـا

http://www.suhol.com/upload//uploads/images/suhol-71134d99b9.jpg (http://www.suhol.com/upload//uploads/images/suhol-71134d99b9.jpg)
وبعد ذلك شاعر من قبيلة الهيلا من عتيبة واحد شعراء المجالس المميزين والبارزين
الشاعر سعد المسعودي ( الحر الأشقر )


سر ياقلم وأكتب على الطرس تسطير = بإسم يشرفني وأشرف جنابه
سلام يشمل جمعكم يالمناعير = ياأهل الوفاء واللي لفاكم هلابه
للطيب ياأهل الطيب نقدم طوابير = و ماهي غريبه .. لونغيب الغرابه
نوماس عرفي للنشامى وتقدير = أهل الفكر وأهل الأدب والخطابه
عنكم ياأبن هملان مالي معاذير = لبيه وأبشر لادعيت الإجابه
نوفي وعدكم يالسيوف البواتير = والسيف تعرف قوته من نصابه
بنات نبض الشعر وسم المباكير = في لوحة الإبداع وجه السحابه
در الفرايد نادرات التصاوير = بإسمي .. وعن كل الفلك بالنيابه
العلم نور.. العلم نهظه وتطوير = ودرب العلا يستاهله من رقابه
أسمك قريته يابعيد المداوير = نعمين .. لبى الأسم يامرحبابه
ماني لحالي قد قروك .. الجماهير = أسم ٍ سماء بالعز قدر ومهابه
قريت أنا أسم(ن) بين كل المشاهير = فهاد بن هملان ماهو تشابه
مصدق ٍ تصديق ماهوب تزوير = شفته وحرف الدال مبدأ الكتابه
لوحة شرف ماسجلت سالم الزير = لوحة شرف زادت شرف بإنتسابه
زيزوم مايحسب حساب المخاسير = عزام حيل المرجله ماأرتخابه
مشرع ٍ بابه بوجه المسايير = ربى على سلم ٍ لجده نشابه
يصخي على الماجوب دفع الدنانير = في مجلس ٍ للضيف كله رحابه
وإذا ان تكريمه تمييز عن الغير = واجب علينا الكفوا نؤفي حسابه
يالله عساكم في زمنّا مذاخير = ذخراً لكل أصحابكم والقرابه
من شاعرٍ لاقال قطفه نواوير =حر ٍ وفيّ القول لامن حكابه
يقفي عن المقفي زبون المناحير = يارد على جم (ن) عذي ٍ شرابه
أقولها وأن كان فالقول تقصير =العذر فالمكتوب واللي قرابه
والله يجنبنا صدوف المقادير = وبالأخرة رحمه لنا من عذابه
http://www.suhol.com/upload//uploads/images/suhol-a089785426.jpg (http://www.suhol.com/upload//uploads/images/suhol-a089785426.jpg)
ثم بعد ذلك شاعر من شعراء المجالس الشاعر الجزل ناصر بن عبود

ألا ياليل ياليل السعاده=وكل ٍ ممتطي صهوة جواده
وإلا حل التحدّي والتنافس=ياقل اللي يبي يبلغ مراده
وألا يابو سعد ياذخر جدّي=ياوافي الباع مبروك الشهاده
يادكتور المكارم والرجوله=تزود ولا على مثلك زياده
رقيت أعلى المراتب بالشهامه=ويابعدك عن دروب النقاده
زرعت الطيب فالأرض الخصيبه=ونلت المجد والعز بحصاده
تشرّفنا يامفخرة القبيله=ولك في موقف التشريف عاده
مخضرم ومتعلّم ومتواضع=قويّ ٍ مع قويين الإراده
مؤرخنا ونسّاب القبيله=لايمكن ناره تعوّد رماده
وهذي عادة المطنوخ دايم=يكوّن له بطوله بانفراده
كما كوكب زحل بين الكواكب=مواقيف ٍ تبي عزم وجلاده
ماتبغى واحد ٍ بارد ويرقد=وهمّه كيف تكبير الوساده
وإلامنّه صحى تالي ناره= لاعينه كنّها عين الجراده
تنومسنا مواقيف النشاما=وتجعلنا على السادات ساده
ونقلط فالصفوف الأوليّه=ومجد أجدادنا هذا امتداده
بفعل أجدادنا فالجاهليّه=معاركهم تقوم بلا هواده
ياعيشة عز في عز ومعزّه=ياموت ماوراه ألاّ الشهاده
وحنّا بعدهم كل ٍ بفعله=ويبقى الكل في خدمة بلاده

واستأذن الشاعر ناصر بن عبود الحضور .. وما أجمل من القصيد ان يقال في حينه
وقصيدة في شيخ من شيوخ القبيلة ومشّرف حفل المجالس الشيخ / تركي بن خزيم بن لحيان

الشعر هرج ويقبل الشين الزين= والشاعر المرهي يجيب الفرايد
وأنا ترى ماعندي يسار ويمين= على نظام اهل السيوف الحدايد
خليت ليل البارح حساب ليلين= ماغير اهجرس واتغنى القصايد
لكن ماامدح غير ناسٍ مديحين= والمدح لأهل الطيب والطيب كايد
مايدركه غير الرجال الميامين= اللي توقف في نهار الشدايد
يشوش راسي لا مدحت اللحاوين= الآد براز معربين الجدايد
برّاية المغلوث سقم المعادين= اهل الشجاعة والصطر والعوايد
سلالة اللي يلحقون المخلين= نوادرٍ تفرى اللحم بالصوايد
في ضفهم وقت القسى والأكاوين= تشمل فوايدهم قليل الفوايد
ياطيب فعل مرجحين الموازين= لاجاهروا عدوانهم بالنكايد
سلام ياتركي صعود المجانين= ياصامل الهده وسيع البنايد
ياوافي المده طليق الحجاجين = ياشوق لباس الحلي والقلايد
راعي الحميّا ينعرف زين ويبين= ماهوب في وقت اللزوم يتحايد
شواش والشواش مافيه بعدين=حاضر بحاضر مايحب النقايد
ياشيخ ياراعي الظفر ياأحمر العين= يالصاطي القالط وفالطيب زايد
هذي تراها اسماء الرجال المسمين= بين القبايل كلها والبدايد
تنشر لك البيضاء بجمع الملبين= قدام كل الناس داني ونايد
جدك خزيم في زمان الف وميتين= فنجال خصمه شاربه بالوكايد
يضرب ويصبح عقبه الجمع جمعين=يوم السماوه يوم شبت وقايد
وفي حدباء قذله يوم فال العدو شين = خلّى يدينه تحت راسه وسايد
هذا غدير الموت وسط الميادين= من طب وسطه راح ماهوب عايد
يحق لك تفخربه سنين وسنين= طول السنين الممحله والجدايد
ويحق لي يوم افتخر بأحمر العين= شرواك ياتركي وسيع البنايد

http://www.suhol.com/upload//uploads/images/suhol-c1e0f0c8bf.jpg (http://www.suhol.com/upload//uploads/images/suhol-c1e0f0c8bf.jpg)

والفارس الخامس من فرسان القصائد المنبرية الشاعر المعروف .. علي بن تويم


يالقريحه حضري واحتزم بي يالقصيد = المفاخر تطرب الراس والعلم ثمره
والقوافي واللحن تعشق طروق النشيد = وكل روض ٍ نقطف اثمار ورده وزهره
والحديد الصلب مايكسره غير الحديد = ومايصخر شرد الغيد غير المقدره
والمدايح ماتساق وتسجل في الرصيد = كود في رجل ٍ مع الطيب كل ٍ يذكره
يرتقي شعري لشخصه ولا يمكن يحيد = لاجل يسمو فيه الابداع شعر ويشكره
ذاك فهاد ابن هملان والمجد التليد = جمع التاريخ واذع به في منبره
دون المورورث والعز والفعل الاكيد = وسطر امجاد القبيله لنا بالمسطره
ياوريث الطيب جددت للجيل الجديد = سيره الاجداد من مفخره لــ مفخره
من عصور الخيل والسيف والباس الشديد = والزمان اللي تقافى بطيبه وقشره
للسهول اهل الظفر واهل الراي السديد = روس قوم ٍ تكسر العظم بطش وتجبره
لزمى العايل وضاقت بهم من كل بيد = وسيقت العطفه وصارت عبوس وقمطره
ذعذعي يام المعارك على الوجه النكيد = الرجل منا على القوم بحساب عشره
واعتزي يابنت فينا وشومي للعنيد = سيفنا البتار لهوى على الشي بتره
مانجندل لاحتمت واستوت غير العقيد = والفعل ثابت وينحت على صم حجره
في زمان ٍ راح يوم الحرايب ماتهيد = قبل توحيد الجزيره عجاج ٍ وغبره
وعشت ياللي من علومك نفيد ونستفيد =وثقت وسط الكتب والعلوم معطره
وبالكلام المختصر ياعسى عمرك مديد = القصايد ماتوفيك مير المعذره

وايضآ قصيدة اخرى فمن يستحق المدح .. وقصيدة فالشيخ / تركي بن خزيم بن لحيان

راكب اللى فـوق كبّوتـه علامـه=أبيض ٍ لونه كمـا لـون الغمامـه
بانورامـا حجـم 600 خليـجـي=مركب التجّـار ورجـال الزعامـه
لا نطحته شفـت ميـزات التقـدّم=ولا قفيته شفت عنـوان الفخامـه
وقفته وقفـة فريـق أوّل قيـادي=مايكفيـه الثبـوت ولا سـلامـه
كود من بعد الموسيقه والبروفـه=والعروض اللى تجي ضمن اهتمامه
وهيبته هيبة ملـك عنـد المجنّـا=في نهار ٍ فيـه للنـاس انقسامـه
خايف ومرتـاع وعيونـه تـراوغ=ولا قدر يجلا الملامه فـي كلامـه
والعفو من شيمة النفـس الغنيّـه=اعتقـه والمـوت واردة ٍ حيامـه
أفجح ٍ يعجبْـك ممشـاه وركوبـه=قبل لا ليل السعد يرخـي ظلامـه
حرّك المغـرب وسلّمتـه رسالـه=وانطلق والله يقـدّي لـه مرامـه
دق زر النـور واغـلاق النوافـذ=وشغل الشاشات ثم جـوّد حزامـه
وانتهض في لازمـه والحافـظ الله=والبروق تلوح من شرقه وشامـه
مثل توم الهوك في درع الجزيـره =لا خذا الإيعاز شلّع مـن شمامـه
وكن وجهه يـوم للطرقـه توجّـه=وجه شيخ ٍ منزلـه راس العدامـه
شيخ قوم ٍ له وقار ولـه حشيمـه=بين قـادات السرايـا والجهامـه
مثل سيف الله في وقته وعصـره=يوم سماه النبي واسمـه وسامـه
نصّـه اللـى فاللـوازم ماتـونّـا=أبلج ٍ لبْس المراجل لبـس خامـه
ابلـج ٍ يمنـاه تعطـي مـاتـدوّر=في مياديـن الشهامـه والكرامـه
راعي الطولات محمـود السجايـا=زاكي العرقين من خـال وعمامـه
لا قصر حبل الضعيّـف والمهجّـن=والربيب اللـى تربّـى فالرخامـه
عادته فعل الجميـل اللـى يجمّـل=لانكشف زيف الشعارات ونظامـه
ذاك ( ابن لحيان ) والطيّب بذكـره= ( تركي ) اللى قومـة النـادر مقامـه
مد يمنى الطيب في حفـل القبيلـه=مثل سيل ٍ من طريف إليا تهامـه
مايحسـب للخسايـر والفـوايـد=دام عـزّه دوم ياربـي ودامــه
مرسل ٍ له موتر ٍ معـه الرسالـه=شكر شاعر مبدي ٍ كـل احترامـه
ماتسمع فـى الـردي ولاهروجـه=ولا تحيـزم بالمنافـق والهلامـه
ومامدح قصده يبي حاجه وعيشـه=من كبار الوقت وألاّ مـن حطامـه
ذاخره في ساعه ٍ والريق ناشـف=ساعة ٍ غطّى الجبل غيم وكتامـه
اشهد ان الطيب قدّك وأنـت قـدّه=ياوريث المجد ياسيـف الشهامـه
يالأمير معرّب السـاس الصميـدع=ياكعـام المعتـدي وألاّ خـزامـه
فعلك ينومس ومجهودك ينومـس=ولا احتمى الميدان طوّحت العمامه
للمراجـل درع وشـداد ومكانـه=وهامة ٍ تفرق على هامـه وهامـه
بين عربان الجزيـره والبسيطـه=الفعل ثابت على سـرج ومسامـه
يالأمير ابن الأمير الطيـب وافـي=منـك ياتـاج المـروّه والقرامـه
بعد أبوك اللّي له العربـان تشهـد=في فعـول المرجلـه والاستقامـه
وجدّك اللى يرعب الفرّيس صوتـه=لااعتزا والموت من خلفه وأمامـه
له تواريخ ٍ مـع العالـم اتـورّخ=في سنام المجد إلى يـوم القيامـه
وغير فعل ربوع وأعمام وخوالـي=من قبل كون السبيـه والرغامـه
ولـو بأغنّـي وآتمثـل واتنشـد=عن بحور ٍ موجها فيـه إلتطامـه
رفعت اوراق الصحف والقاف شيّب=ماحصرت امن البحر لو ربع قامه
مير شعر المدح في غيرك عوافـي=مثل قولت كيف حالـك والسلامـه
ألاّ في ناس ٍ لهم فالطيـب رايـه=رايه فالسلم والحـرب وعسامـه
الرجال أهـل المـروّه و السمـوّه=من مدحهم مايجـي درب الملامـه
والسلام معطـر ٍ بأحلـى التحايـا=في نهايات القصيد وفـي ختامـه

http://www.suhol.com/upload//uploads/images/suhol-bb58bd0607.jpg (http://www.suhol.com/upload//uploads/images/suhol-bb58bd0607.jpg)

ثم آخر فرسان القصائد المنبرية الشاعر الرائع حمد بن غنيم الخبيش


الليل هذا بقلبي ليل ماله مثيل = من يوم ربي جمعنا واجتمعنا سوى
وفي داخل الفكر قافٍ قام يصهل صهيل = مقيده بالرسن والحبل فيها التوى
واليوم أنا ممتطي صهوة جواد اصيل = حظيظ من هو ملك مثله ماظنه غوى
نبغى نكرم لنا طيب بعلمه جزيل = والله يعين الرجل لا قام ولآ نوى
يامرحبا ياهلا عد المطر والمسيل = ترحيبةٍ ترفع الجندي فريق ولوى
واثني عليها لدكتورٍ مسوي جميل = ماينكره كود رجلٍ كاسبٍ له هوى
جمّع علوم القبيلة ثم شال الثقيل = اسس والف علوم الطيب واللي روى
فهاد له وقفةٍ تشبه لسيفٍ صقيل = نساب مأرخ لكل العلم ضم وحوى
يوم انها جت علومٍ كلها من هبيل = نهض حجاجه وقال ارجع ومالك لوى
وهذي المجالس لها فضلٍ ولا هو قليل = بين المواقع مثل ذيبٍ برجمه عوى
واليا سألٍ عاذل يقول ويش الحصيل = عنكم ابعطيه اجابه ثم ازيد الكوى
الليلة هذي قدم عينه واكبر دليل = من فضل ربي جمعنا واجتمعنا سوى

[زيزفونه]

الشاعر المتألق
وصاحب القلم الشامخ في ساحة الشعر
والشعار
اسما يسطع كالحسام اللامع في سماء المعارك
سعد المسعودي

بيض الله وجهك اين ما كنت
وكم يفخر الفلك والفلكيون
بأن يروا هذا التواجد والمشاركه الوجدانيه منك
بهذا الإحتفال الرائع
وكم سعدنا لروئية هذه الصور التي تشعرنا بالفخر والإعتزاز
بشخصكم الكريم

وما أروع القصائد التي القيتموها بهذا الحفل


والف مبروك للشاعر فهاد السهلي

[جورري]

مشكور أبايزيد على التغطيه الرائعه
الحضوور المميز
الف مبروووك للدكتور
يعطيك الله العافيه

[سعد المسعودي]

من القلب للقلب ..


أشكركم جميع .. لاعدمتكم ..

وماهذا العطـــاااء إلاّ مجرد أمتداد ..


من وقفاتكم الغير مستغربه ..


أحترامي

[سلطان الشوووق]

شاعر شامخ مثل الجبال الراسية ياالحر الاشقر منزالك سفوح الجبال.........ز+ تغطيه جميله ونتمني لك التوفيق

[الجوهره]

تغطية راائعه الله يعافيك ويعطيك الصحه يارب
وبيض الله وجهك يابو يزيد
والجيات اكثر من الروحات أن شاء الله
وانت كريم واجودي عسى ري يخليك لنا ولا يورينا فيك مكروه

[مشاري الثبيتي]

ابويزيد

ماقصرت وبيض الله وجهك

كفوا يالحر الأشقر

تغطيه تستحق الشكر لك

الف مليون شكر لك