المولع الغريب
10-24-2009, 02:36 PM
ياعالي المرقاب وقفت اراعيكـــ = ميقاف من ضيع جميع الدلايل
جابنتي القدره وجيت بحراويكــ= ياصدفةً ماصار عنها بدايل
ماني على قوة صمودك مهنيكــ= ولاناشدك من دنيتك ويش نايل
قلت اتريض في جنابك واواسيكــ = لوكنت لاتسأل ولاانتى بسايل
عسى يجي غيثٍ من الوسم يسقيكــ= وتخضر فياضك من جديد المسايل
يسقي مرابيعك وتنور مفاليكـــ= ويلتم جمع الذاهبه بالثمايل
ابي اسألك عن حيٍ اقفا مخليكــ = كأن مابينك وبينه جمايل
ذاك الذي يارجم شيد مبانيكــ= علا شموخك فوق رؤس الطوايل
خلا الرياح العاتيه ماتأذيكــ= ايضا ولا تبني عليك النثايل
لملم حصاك وجملك في مباديكــ= خلاك شاره من كبار المثايل
وبقيت شامخ رغم كثرة مأسيكــ= رغم الرياح وبردها والقوايل
كم حال ملقوعن بوقته بكافيكــ= وكم ونةً تشكي الدموع الهمايل
وين الجموع اللي تمرك وتأتيكــ= ايام ماغير الركايب وسايل
وين العيال اللي تواعد مراميكــ=فوق الركاب الضامرات الاصايل
وين الجهام ووين حيٍ وقف فيكــ = ينطر قد وم معبسات الشمايل
وين البيوت اللي تشيد بأراضيكــ= وين اهل القالات واهل العمايل
خلت منازلهم وشانت مواريكــ= و راحو من ديارك بليا رحايل
ياخدي اصبر وازرق الدمع غاشيكــ = مثل المطر من صادقات المخايل
وياوقت يبقى حاضرك مثل ماضيكــ = مافيك مأمن يازمان الهوايل
قصرت مماشينا وطالت مماشيكــ= ونصيب مسعى الحي منك القلايل
لوطالت ايامك وطابت لياليكــ= لك البقى من عاش بالكون زايل
جابنتي القدره وجيت بحراويكــ= ياصدفةً ماصار عنها بدايل
ماني على قوة صمودك مهنيكــ= ولاناشدك من دنيتك ويش نايل
قلت اتريض في جنابك واواسيكــ = لوكنت لاتسأل ولاانتى بسايل
عسى يجي غيثٍ من الوسم يسقيكــ= وتخضر فياضك من جديد المسايل
يسقي مرابيعك وتنور مفاليكـــ= ويلتم جمع الذاهبه بالثمايل
ابي اسألك عن حيٍ اقفا مخليكــ = كأن مابينك وبينه جمايل
ذاك الذي يارجم شيد مبانيكــ= علا شموخك فوق رؤس الطوايل
خلا الرياح العاتيه ماتأذيكــ= ايضا ولا تبني عليك النثايل
لملم حصاك وجملك في مباديكــ= خلاك شاره من كبار المثايل
وبقيت شامخ رغم كثرة مأسيكــ= رغم الرياح وبردها والقوايل
كم حال ملقوعن بوقته بكافيكــ= وكم ونةً تشكي الدموع الهمايل
وين الجموع اللي تمرك وتأتيكــ= ايام ماغير الركايب وسايل
وين العيال اللي تواعد مراميكــ=فوق الركاب الضامرات الاصايل
وين الجهام ووين حيٍ وقف فيكــ = ينطر قد وم معبسات الشمايل
وين البيوت اللي تشيد بأراضيكــ= وين اهل القالات واهل العمايل
خلت منازلهم وشانت مواريكــ= و راحو من ديارك بليا رحايل
ياخدي اصبر وازرق الدمع غاشيكــ = مثل المطر من صادقات المخايل
وياوقت يبقى حاضرك مثل ماضيكــ = مافيك مأمن يازمان الهوايل
قصرت مماشينا وطالت مماشيكــ= ونصيب مسعى الحي منك القلايل
لوطالت ايامك وطابت لياليكــ= لك البقى من عاش بالكون زايل