نافل العرجاني
11-12-2009, 05:15 AM
يالله ياعالـم جميـع الـدعـاوي=يامثّبت انجوم السماء في سماهـا
يافارج الضيقـه وكـل البـلاوي=ياعالـم بروحـي وعالـم خفاهـا
انك تصبّرني على اهـل الحكـاوي=ناس(ن) تغث اكبودنا في احكاهـا
دايـم تسـوي بالنمايـم مسـاوي=والكذب والبهتـان حكمـة الغاهـا
تورد على الهزلات عد(ن) رهاوي=ومفارق الاصحـاب غايـة مناهـا
ياراعـي النمّـه معقّـب وغـاوي=وكلمة نعم تخسى ولا انت بمعاهـا
والله وانا نافـل بعيـد الهقـاوي=ان زمرة الانـذال ماأتبـع هواهـا
لاني معرّب جـد مانـي خـلاوي=وامن الرجال اللي تكـرّم الحاهـا
لاختلطت العجّه بصوت العـزاوي=تشهدلنا البيداء ويشهـد حصاهـا
ولاّ انت ياللي حاسبنـك مخـاوي=خوة شرف مانيب حاسب اسواهـا
اثرك ورى الكذبه وكـل الدعـاوي=وانا الذي ماكنـت منـك اهقاهـا
كنت احسبن قلبك على الطيب ناوي=اثرك كما اللي سمّها فـي قفاهـا
وانا اللي لاصكّت عليـك البـلاوي=الارض ضاقت بي وضاقت سماهـا
أقوم وافـزع واحتمـي للشقـاوي=طبع النشامـا تحتمـي لخوياهـا
وعيال عمّك بين سارح وضـاوي=محدٍ نشد علّتـك وشهـو ادواهـا
واليوم لوّك تكتوي بالـف كـاوي=علّتـك نافـل مايـدور اشفـاهـا
لا عاد ترجي من ورانـا رجـاوي=دام النوايا العـوج لـوّح غطاهـا
ولامن لوى يمنـاك يالـلاش لاوي=تعرف وش الدنيـا ودورة رحاهـا
روّح وانا نافـل بعيـد الهقـاوي=خوّتك راسي من سجلّـه محاهـا
..
يافارج الضيقـه وكـل البـلاوي=ياعالـم بروحـي وعالـم خفاهـا
انك تصبّرني على اهـل الحكـاوي=ناس(ن) تغث اكبودنا في احكاهـا
دايـم تسـوي بالنمايـم مسـاوي=والكذب والبهتـان حكمـة الغاهـا
تورد على الهزلات عد(ن) رهاوي=ومفارق الاصحـاب غايـة مناهـا
ياراعـي النمّـه معقّـب وغـاوي=وكلمة نعم تخسى ولا انت بمعاهـا
والله وانا نافـل بعيـد الهقـاوي=ان زمرة الانـذال ماأتبـع هواهـا
لاني معرّب جـد مانـي خـلاوي=وامن الرجال اللي تكـرّم الحاهـا
لاختلطت العجّه بصوت العـزاوي=تشهدلنا البيداء ويشهـد حصاهـا
ولاّ انت ياللي حاسبنـك مخـاوي=خوة شرف مانيب حاسب اسواهـا
اثرك ورى الكذبه وكـل الدعـاوي=وانا الذي ماكنـت منـك اهقاهـا
كنت احسبن قلبك على الطيب ناوي=اثرك كما اللي سمّها فـي قفاهـا
وانا اللي لاصكّت عليـك البـلاوي=الارض ضاقت بي وضاقت سماهـا
أقوم وافـزع واحتمـي للشقـاوي=طبع النشامـا تحتمـي لخوياهـا
وعيال عمّك بين سارح وضـاوي=محدٍ نشد علّتـك وشهـو ادواهـا
واليوم لوّك تكتوي بالـف كـاوي=علّتـك نافـل مايـدور اشفـاهـا
لا عاد ترجي من ورانـا رجـاوي=دام النوايا العـوج لـوّح غطاهـا
ولامن لوى يمنـاك يالـلاش لاوي=تعرف وش الدنيـا ودورة رحاهـا
روّح وانا نافـل بعيـد الهقـاوي=خوّتك راسي من سجلّـه محاهـا
..