نسرق الشوف غفلة

[السالمية نادية]

بين صمتك وبيني رحلة ٍ من حكاوي= دربها بالمخاوف يقطـف انفـاس نـوه
شبر بيني وبينك للمسافات حاوي = فيه رمد شعوري واندفن حُمر ضوه
نسرق الشوف غفلة تنكسر بالتساوي= كل منها شظيه تنحر احساس جوه
كيف أولع حديثي بشعلةٍ من هقاوي= وكيف أقطف شعورك وكل مافيك هوه
اتنحنح بفوضى تنرسم لك خطاوي = في ثرى الصمت زحمة من حديثٍ مموه
أفرك إيديه ربكه تنتشي بالنداوي= اثر حظي فعيدي شح ناقص مروه
قام شوقي يبرر للمخاوف فتاوي= صاحب الفضل اللول من تقدم وسوه
للحكي ألف ثغرٍ يكسي الحرف قاوي= من شعوره قلايد تعطي الحب قوه
وفوضوية شهيقي مع زفيري دعاوي=للخفوق المسربل في خطاه وغلوه
وبين يمكن ويمكن أحصد الحلم غاوي=واتنهد هقاوي بين ليته ولوه
كم جنيت بشعوري حزمةٍ من بلاوي = وكل عذرٍ تفوه.. ضاع حرف المفوه
ياللي جيتك عيدي رتب أشواق هاوي .=بدد الصمت لحظة لو تعكر هدوه
وقول أحبك تجمل بالظما الجوف طاوي= وعقرب الوقت يزهم هالدقايق وتوه
ماانرسم بك شعوري حلم وردي وضاوي= في جبينه تدلى الشوق والخوف خوه