الناس مثل الكنز معدن وفظه

[سعود الراقي]

معدن وفظه



كتبت ها الابيات تعنـي رسالـه=والناس مثل الكنز معدن وفظـه
يغنيك عن كثر الكـلام وطوالـه=الكلمه اللي زبدهـا فـي مخظـه
بعض الرجال بسمعتـه ينعنالـه=وينصاه رجلٍ جور الايام عظـه
اليـا تجمـل جمـل الله حـالـه=وليا تعذر صـادق العـذر مظـه
لاتحسب الايـام دايـم سهالـه=يجيلها مـع دورة الوقـت لظـه
تدور دورات الرشـا بالمحالـه=لوكان تغضي يوم ماهـي مغظـه
ومـن لاتجمـل قـادرِ للجمالـه=ساسه ردي او مردي الله حظـه
اللي يشوف البحر ويقيس جالـه=خله يقيس العمـق والا يخضـه
واللي بدا في عاليٍِ مـن جبالـه=المستحيـل انـه بيـده يقظـه
وروس ارجال اهل الوفا والشكاله=تصبرعلى جور الزمان وتكظـه
ياصاحبي بعض السوالف جهاله=وبعض الصدور ادنات شين يفظه
ويغنيك عن كثر الكلام وطوالـه=الكلمه اللي زبدهـا فـي مخظـه
ســعـــود الــراقـــي