وافين الـخـصـــال

[سعود الراقي]

وافين الخصاال


عادت الايـام ميلـه واعتـدال =تجرح اصدورالعـرب وتقدهـا
لاتزيد الهـرج ياولـد الحـلال =والعلـوم تجيبـهـا وتـردهـا
اسمع اسمع لاتطول في الجـدال =ومدلي يمنـا الشحـم وامدهـا
وصب لي فنجال من صفرالدلال =والقصيـده هاجسـي بيعـدهـا
السؤال اللي يمرر لـه سـؤال =يخنـق ادروب الوفـا ويحدهـا
يوم صارالطيب في خشم الريال=شرهت اللـي ماتجمـع كدهـا
ماتضويه اليمين مـع الشمـال =تاكلـه نـار الحطـب ماسدهـا
اشهد ان الفقر ثنـاي الرجـال=والظروف اللـي يبيـح سدهـا
بس يبقى عز وافين الخصـال =لو وقف شـح الليالـي ضدهـا
يغلبون بحـال ويسـدون حـال =باليديـن اللـي سخـيِ مدهـا
ذاخرين من الجمائل راس مـال =وباذرين الطيـب فـي مهدهـا
الصعيب اللي يسمونـه محـال =ماقصر عزم الطمـوح وهدهـا
من عطاه الله صبر وطول بـال =يرتكـي لحمولهـا ويشـدهـا
وان كتبت الشعر شيِ من الخيال =وان طرقت المشكله في خدهـا
من تجارب وقت ودروبي طوال =ماصغرت لناس لكسـب ودهـا
آ رد الجمه وانا راهى الحبـال =وأعشق الجزله وعرفـي قدهـا
احشم اهل الطيب مروين السلال =واحتـزم للمخطيـه واصـدهـا
ســعـــود الــراقـــي