الهنووووف

[سعود الراقي]

الهنوف

الهنوف اللي خذت قلبـي وقفـت=اشهـدا انَ الله معطينـي غلاهـا
ضمها الصدر الحنون وبه تدفـت=عن جليد البرد تهنا فـي دفاهـا
كنها شمسَ على المشراف هفـت=والسنين اهزال وامالـي وراهـا
شوف عيني لجل عينه يوم رفـت=كنها مـن عينهـا تاخـذ دواهـا
امطرت بالدمع والاريـاق جفـت=يوم قفت والغلا يقصر اخطاهـا
كنها من الحزن والاشواق خفـت=غصب عنها لارضاي ولارضاها
وبين قلبي وضلوع العوج لفـت=والله ان الصدر والقلـب يحماهـا
صنتها للحـب والفرحـه توفـت=و اتحمل بعدهـا ودرى هواهـا
وزوجوها غصب والافراح دفت=وطاحت احلام المحب اللي بناهـا
اتعس الايـام يـومِ فيـه زفـت=واجمل الايـام يـومَ فـي لقاهـا
دامها في بيـت رجـال وتخفـت=الكرامه كنز مانجـرح صفاهـا
وبعد خمس اسنين فالسوق اتلفـت=شفتها صدفه تخطى مع ضناهـا
غابت الانوار في وجهي وطفـت=كل نفس بجرح تجمع في قواهـا
جنة الفردوس بالاخطـار حفـت=واصغر الشرهات يلحقني غثاهـا
يمنـع الانسـان نفسـه لاتهفـت=شيمت الرجال مايقصـر مداهـاا
ســعـــود الــرااقـــي