نومااااس !!!

[معتاد النفيعي]

البارحه ماأمسيت ياخوك ياعيد =وهموم قلبي صادرات ومواريد
جابتني القدره على غير ماأريد = لاشك فالمكتوب للعبد صاير
حظي لقيته فالطريق وصدفني = وشال الحمول الكايده فوق متني
وقلت أتصبر دام بقعاء بلتني = يمكن تروح حمول بقعاء نثاير
أزهم صبي(ن) صلب رايه دليله = وأنا أتحرى للعلوم الجميله
أن كان للزيزوم فالوضع حيله = أنحل حبل معقدات الدواير
ياكيف يالمطنوخ تهنا بنومك = والذي كنت اتحرى قدومك
طال الطويل ولافتني علومك = من صدتك فالوقت للعين عاير
أصيح من دنياي وأقول مظلوم = وغديت أنا والوقت حاكم ومحكوم
وفي ذمتي مانيب فالوضع مليوم = ولاأحط دون الصدق عذر وستاير
حقيقتي ماهيب تنسب للأحلام = ولاهيب تروى للرواوي والأوهام
يدريبها رب الفلك مذر الأنسام = لاصك قفل محكمات الضماير
شكلك تراني فالليالي نسيته = ودورت له فالذاكره مالقيته
ماأقول من فكري ذكرت ومحيته= مار امسح من كثر كب العباير
من عاش في وقته معذب ومقهور = مجبور في دنياه وإن مات معذور
غربة ظلامه حارت بطلعة النور = مايفرح المحزون صبح البشاير
ماهوب طبعي طبعكم في بعضكم = منكم لكني صرت ماني منكم
واللي خلقنا فرق رب خلقكم = والموت مايسبق لغيبه نذاير
حلفت أنا فـ .. مطاول الكف والرووس = وحد السليل بسطوته يخذل الموس
ناموس يارأس الطويلات ناموس = أما تجي جزلات ولا كساير
معتاد النفيعي